ހިޒްބުﷲ ގެ ލީޑަރުކަމާ ހަވާލުވާނެ ކަމަށް ބެލެވުނު ހާޝިމް ސަފީއުއްދީން މި މަހު ކުރީކޮޅު ޝަހީދުކޮށްލާފައިވާ ކަމަށް އިޒްރޭލުން އިއުލާން ކޮށްފި އެވެ.

އިޒްރޭލުން ބުނީ ހާޝިމް ސަފީއުއްދީން ޝަހީދުކޮށްލީ ލުބްނާނަށް ދިން ވައިގެ ހަމަލާއެއްގައި ކަމަށާއި އެ ހަމަލާގައި އޭނާގެ އިތުރުން ހިޒްބުﷲ އަށް ނިސްބަތްވާ އިތުރު ބަޔަކުވެސް މަރާލާފައިވާނެ ކަމަށެވެ.

ހާޝިމް ސަފީއުއްދީން މަރުވިކަން ހިޒްބުﷲ އިން މިހާތަނަށް ކަށަވަރު ކޮށްދީފައެއް ނުވެ އެވެ.

ލުބުނާނުގެ ސަލާމަތީ މަސްދަރަކާ ހަވާލާދީ އަލްޖަޒީރާއިން މި މަހުގެ 5 ގައި ރިޕޯޓްކޮށްފައިވާ ގޮތުގައި ހިޒްބުالله އަށް ވަނީ އޮކްޓޫބަރު 4 ވަނަ ދުވަހުން ފެށިގެން ހާޝިމް ސަފީއުއްދީން އާ ގުޅުންކެންޑިފަ އެވެ.

އެދުވަހު އިޒްރޭލުން ދިން ވައިގެ ހަމަލާއެއް އަމާޒުވި ހިޒްބުاللهގެ އަންޑަގްރައުންޑް އިންޓެލިޖެންސް ހެޑްކުއާޓަރުގެ ތެރޭގައި ހާޝިމް ސަފީއުއްދީން ހުންނެވި ކަމަށް ރިޕޯޓްތައް ބުނެ އެވެ.

ހިޒްބުﷲގެ އެގްޒެކެޓިވް ކައުންސިލްގެ ޗެއާމަންގެ ހައިސިއްޔަތުން ސަފީއުއްދީން އަކީ އެ ޖަމާއަތުގެ ވަރަށް މަތީ މަގާމެއްގައި ހުންނެވި ބޭފުޅެކެވެ. އޭނާއަކީ ދާދިފަހުން އިޒްރޭލުން ދިން ހަމަލާއެއްގައި އަވަހާރަކޮށްލާފައިވާ އެ ޖަމާއަތުގެ ކުރީގެ ލީޑަރު، މަރުހޫމް ހަސަން ނަސްރުاللهގެ ތިމާގަ ބޭފުޅެކެވެ.