އަންނަ މަހު ހުޅުވުމަށް ހަމަޖެހިފައިވާ ޕެޓް ކެއާ ފެސިލިޓީއަށް ޑޮކްޓަރުންނާއި ނަރުހުން ހޯދުމަށް މާލެ ސިޓީ ކައުންސިލުން އިއުލާންކޮށްފި އެވެ.

އެއް އަހަރު ދުވަހުގެ ކޮންޓްރެކްޓަކަށް މާލެ ސިޓީ ކައުންސިލުން ހޯދަނީ ޑޮކްޓަރަކާއި، ވެޓެރިނަރީއަކާއި، ވެޓެރިނަރީ ދެ ނަރުހުންނެވެ.

މާލެ ސިޓީ ކައުންސިލުން ހޯދާ ވެޓެރިނަރީއަކަށް މުސާރަައިގެ ގޮތުގައި 35،000 ރުފިޔާ ލިބޭ އިރު ވެޓެރިނަރީ ނަރުހެއްގެ މުސާރައަކީ 8،130 ރުފިޔާ އެވެ. އަދި ސާވީސް އެލަވަންސްގެ ގޮތުގައި މަސައްކަތްކުރާ ކޮންމެ ދުވަހަކަށް 100 ރުފިޔާއާއި އިތުރުގަޑީގައި މަސައްކަތް ކުރާނަމަ މުސާރައިގެ 35 ޕަސެންޓް ލިބޭނެ ކަމަށްވެސް ސިޓީ ކައުންސިލުން ބުނެފައިވެ އެވެ.

މި ޕެޓް ކެއާ ފެސިލިޓީގައި ބުޅާ ގެންގުޅޭ މީހުންނަށްވެސް ހިދުމަތް ދިނުމަށް ވަނީ ހަމަޖެހިފަ އެވެ. އެގޮތުން ބުޅާތަކަށް ބޭސްދިނުމާއި ވެކްސިން ދިނުމާއި، ލޭނެގުމާއި، ކުޑަކަމުދަތަކެތި ޓެސްޓްކުރުމާއި، ބަލިދެނެ ގަތުމަށް ހަދަންޖެހޭ ޓެސްޓްތައް މި ތަނުން ހެދޭނެ އެވެ.

މި ވަޒީފާއަށް ކުރިމަތިލުމުގެ ފުރުސަތު މިމަހުގެ 29 ވަނަ ދުވަހުގެ ނިޔަލަށް ވަނީ ހުޅުވާލާފަ އެވެ.

ޕެޓް ކެއާ ޝެލްޓާ ހުޅުވަން ހަމަޖެހިފައިވަނީ އަންނަ މަހު