ވޭލް ޝާކް ރިސާޗު ޓުއާއެއްގައި ރާއްޖެ އައިސް އުޅުނު ކުއްޖަކު ދޯންޏެއްގެ ބުރަފަތީގައި ޖެހި މަރުވެއްޖެ އެވެ.

މިހާދިސާ ހިނގާފައިވަނީ އދ. ދިގުރަށް ކައިރީގައި އެވެ.

މައުލޫމާތު ލިބިފައިވާ ގޮތުގައި މިއަދު ހެނދުނުގެ ވަގުތެއްގައި ހިނގި އެ ހާދިސާގައި މަރުވެފައިވަނީ 15 އަހަރުގެ އަންހެން ކުއްޖެކެވެ.

ނިޔާވެފައިވަނީ ސިންގަޕޫރަށް ނިސްބަތްވާ ކުއްޖެކެވެ.

އޭނާ މަރުވީ ދިގުރަށުން އެކްސްކާޝަނަށް ދިޔަ ދޯނިން ފުންމާލި ވަގުތު، ދޯނީގެ ބުރަފަތީގައި ޖެހިގެން ލިބުނު ޒަހަމްތަކުގެ ސަބަބުންނެވެ.