ދުނިޔޭގެ އެކި ގައުމުތަކުން ބައިވެރިވާ ރީތީގެ މުބާރާތް، މިސް ޔުނިވާސްގެ ޕްރިލިމިނަރީ ކޮމްޕެޓިޝަންގައި ރާއްޖޭގެ މަރިޔަމް ސައިނާ ނަސީމްގެ ފެނިލުމަށް ގިނަ ބައެއްގެ ސަމާލުކަން ހުއްޓިއްޖެ އެވެ.

ރޭގެ ވަަގުތެއްގައި ބޭއްވި ޕްރިލިމިނަރީ ބައިގައި ފުރަތަމަ އޮތް ގައުން ރައުންޑްގައި ސައިނާ ފެނިފަައިވަނީ ރީތި ރަންކުލައިން ޖަރީކޮށްފައިވާ ކަޅު ގައުން އެއްގައި އެވެ.

ގައުން ރައުންޑްގެ އިތުރުން ރޭގެ ކޮމްޕެޓިޝަންގައި ބައިވެރިން ވަނީ ނިސްބަތްވާ ގައުމު ރަމްޒުކޮށްދޭ ސަގާފީ ހެދުންތަކާއެކު ފެނިގެން ގޮސްފަ އެވެ.

އެގޮތުން ސައިނާ ފެނިގެން ދިޔައީ ރާއްޖޭގެ ގައުމީ ވަންތަކަން ދައްކުވައިދޭ ރީތި ރަތް ލިބާހެއްގަ އެވެ. ސައިނާގެ ފަރި ހިނގުމާއެކު، ލިބާސް މުޅި ދުނިޔެއަށް ވަނީ ދައްކާލާފަ އެވެ.

ސައިނާ ވަނީ ރާއްޖޭގެ ލިބާސް މުޅި ދުނިޔެއަށް ދައްކާލާފައި

މީގެ އިތުރުންވެސް ރޭ ވަނީ ސުވިމްސޫޓްގައި ބައިވެރިން ފެނިގެން ގޮސްފަ އެވެ. ސައިނާ ލާފައިވަނީ ގައި ވަރަށް ބޮޑަށް ނިވާކޮށްފައިވާ ސުވިމްސޫޓެއްކަން ފާހަގަކޮށްލެވެ އެވެ.

ސުވިމިން ސޫޓް ރައުންޑްގައި ސައިނާގެ ފެނިލުން

މެކްސިކޯގައި ކުރިއަށްދާ މިސް ޔުނިވާސް މުބާރާތުގައި ދެން އޮންނާނީ 25 ފައިނަލިސްޓުން ހޮވުމެވެ. އޭގެ އިތުރުން އެމެރިކާ، ކެރިބިއަން، ޔޫރަޕް، އެފްރިކާ، އޭޝިއާ އަދި އޯޝަނިއާއިން ހަތަރު ރީޖަނަލް ކެންޑިޑޭޓުން ހޮވާނެ އެވެ.

130 ބައިވެރިން ހިމެނޭ މި މުބާރާތުގެ ސެމީ-ފައިނަލިސްޓް ހޮވާނީ އާންމުންގެ ވޯޓުންނެވެ. މި މުބާރާތުގެ ގްރޭންޑް ފިނާލޭ އޮންނާނީ މި މަހުގެ 17 ވާ އާދިއްތަ ދުވަހު އެވެ.

https://www.instagram.com/p/DCXsdMhyFmr/?igsh=dXA3ODBwcnNsam16

ރާއްޖެއިން ފުރަތަމަ ފަހަރަށް 21 އަހަރުގެ ސައިނާ މިސް ޔުނިވާސްގައި ބައިވެރިވުމުން ސަރުކާރުން ވަނީ އެކަމާއި ދެކޮޅަށް ބަޔާން ނެރެފަ އެވެ. ނަމަވެސް ސައިނާއަށް ވަރަށް ގިނަ ދިވެހިން ތާއީދުކުރަމުންދާކަން ފާހަގަކޮށްލެވެ އެވެ.