އޮކްސްފޯޑް އަހަރުގެ ބަސް އިއުލާން ކޮށްފި
އޭސީސީން އެންސްޕާ އާއި ފިނޭންސް މިނިސްޓްރީއަށް ވަދެއްޖެ
ހދ. އަތޮޅު ކައުންސިލުން ބެންކޮކަށް ދިޔަ މައްސަލަ ބަލަނީ
ފުވައްމުލަކު ސިޓީ ގެއެއްގައި ރޭ ހިނގި އަލިފާނުގެ ހާދިސާއެއްގައި ބޮޑެތި ގެއްލުންތަކެއް ލިބިއްޖެ އެވެ.
އެމްއެންޑީއެފުން ބުނީ "ޝިވާ" ނަމަކަށް ކިޔާ ގޭގައި ރޯވި އަލިފާން، އެމްއެންޑީއެފް ސަދަން އޭރިއާ ކޮމާންޑް، ފުވައްމުލަކު ފަޔާ ސްޓޭޝަނުން ހަރަކާތްތެރިވެ ނިއްވާލައިފައި ވާކަމަށެވެ.
މި ހާދިސާގެ ރިޕޯޓްކޮށްފައިވަނީ ރޭ 22:05 ހާއިރުކަމަށް އެމްއެންޑީއެފުން ބުންޏެވެ. އަލިފާން ނިއްވާލެވުނީ ރޭ 22:40 ހާއިރު އެވެ.
މި ހާދިސާގައި އަލިފާން ރޯވެފައިވަނީ އެ ގޭގެ ކޮޓަރިއެއްގެ ތެރޭގައި ހުރި ބަންކު ބެޑެއްގެ މަތީގައި އަޅާފައި އޮތް ގޮނދަޑިއެއްގަ އެވެ. ހާދިސާ ހިނގި ވަގުތު އެ ކޮޓަރީ ތެރޭ ކުޑަ ދެ ކުދީން ތިބި ނަމަވެސް، އަލިފާނުގެ ސަބަބުން އެއްވެސް އަނިޔާއެއް އެކުދީންނަށް ލިބުނު ކަމުގެ މަޢުލޫމާތު ލިބިފައި ނުވާކަމަށް އެމްއެންޑީއެފުން ބުންޏެވެ.
ހާދިސާގެ ފޮޓޯތަކުން ފެންނަ ގޮތުން އެގޭގައި ރޯވި ކޮޓަރިއަށް ވަނީ ވަރަށްބޮޑަށް ގެއްލުންވެފަ އެވެ. ނަމަވެސް ލިބުނު ގެއްލުމުގެ ތަފްސީލު އެއްވެސް އިދާރާއަކުން ހާމަކޮށްފައިނުވެ އެވެ.
މިކަމާއި ގުޅިގެން ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނީ ފުވައްމުލަ ސިޓީ މިސްކިތްކަމަގު ޝިވާ ގޭގައި މިހާދިސާގައި އެެއްވެސް މީހަކަށް ގެއްލުމެއް ލިބިފައި ނުވާކަމަށެވެ. އަދި ހާލުގައި ޖެހުނު ފަރާތްތައް ވަނީ ވަގުތީ ގޮތުން ރައްކާތެރި ތަންތަނަށް ބަދަލުކުރެވިފައި ކަމަށްވެސް އެ އޮތޯރިޓީން ބުންޏެވެ.
