ބްރޯޑްކާސްޓިން ކޮމިޝަނާއި އިލެކްޝަންސް ކޮމިޝަނަށް މެންބަރުން އައްޔަން ކުރުމަށް ރައީސް މުހައްމަދު މުއިއްޒު ރައްޔިތުންގެ މަޖިލީހަށް ނަންތައް ފޮނުއްވައިފި އެވެ.

ބްރޯޑްކާސްޓިން ކޮމިޝަނުގެ މެންބަރުކަމުގެ މަޤާމަށް ނަންތައް ފޮނުއްވާފައި ވަނީ ބްރޯޑްކާސްޓިން ކޮމިޝަންގެ ރައީސް މަރިޔަމް ވަހީދާ އާއި ކޮމިޝަންގެ މެމްބަރު އަލީ ޔޫސުފްގެ ދައުރު ހަމަވާތީ އެވެ. މެންބަރުކަމަށް ހުޅުވާލުމުން ކުރިމަތިލި ފަރާތްތަކުގެ ތެރެއިން އިސްކަންދެއްވާ ތަރުތީބުން ރައީސް ވަނީ މަޖިލީހަށް ނަންތައް ފޮނުއްވާފަ އެވެ.

އެގޮތުން 12 ނަމެއް ރައީސުލްޖުމްހޫރިއްޔާ މަޖިލީހަށް ފޮނުއްވެވި އެވެ.

ބްރޯޑްކާސްޓިން ކޮމިޝަނުގެ މެންބަރަކުކަމަށް ކުރިމަތިލި ފަރާތްތައް:

1- އިހަވަންދޫ ދާއިރާގެ ކުރީގެ މެންބަރު މުހައްމަދު އަބްދުﷲ (މުހަންމާ) / ހއ. އިހަވަންދޫ، ހުސްއަކުރުގެ

2- ޔާމީންގެ ސްޕޯކްސްޕާސަން އިބްރާހިމް މުއާޒު އަލީ / ހަޒާރުމާގެ، ނ. ފޮއްދޫ

3- އިބްރާހިމް އަޝްރަފު / ވ. މަށިވެލި

4- ލެފްޓިނެންޓް ކާނަލް ރިޓަޔާޑް ޒުބައިރު އަހުމަދު މަނިކު / ގ. މަލްވިނަ

5- އަބްދުﷲ ހުމައިދު / ފަޒާ، ޅ. ހިންނަވަރު

6- އައިޝަތު ދިޔާނާ ތޯހިރު / ސެވަންސްޓާ، ސ. ހިތަދޫ

7- އައިމިނަތު ސަރާހަތު އިއްޒަތު / ގ. ގޮފި

8- ޝިމްލާ އަމްހަދު / އާސްޓްރަލްގެ، ސި ހިތަދޫ

9- އިސްމާއިލް ޝަފީގް / މ.ސްލީޓް

10- ޝިފްޒާ މުސްތަފާ / މާދަޑު، އާސާން، ޏ ފުވައްމުލައް

11- އަލީ ނިޝާން / ގ ކޫލްގްރާސް

12- މުހައްމަދު ޝަމީމް / ހ ޕްރިޓީވިލާ

އިލެކްޝަންސް ކޮމިޝަނަށް އައްޔަން ކުރުމަށް ރައީސުލްޖުމްހޫރިއްޔާ މަޖިލީހަށް ފޮނުއްވާފައި ވަނީ ދެ ނަމެވެ. އެއީ އެ ކޮމިޝަނުގެ ނައިބު ރައީސް އަލީ ނަޝާތާއި، ކޮމިޝަންގެ މެންބަރު މުހައްމަދު އާސިފް މަގާމުން ވަކިކުރުމަށް ރައްޔިތުންގެ މަޖިލީހުން ފާސްކުރުމާއެކު އެ މަގާމުތައް ހުސްކޮވެފައިވާތީ އެވެ.

އިލެކްޝަންސް ކޮމިޝަނަށް އައްޔަން ކުރެއްވުމަށް ރައީސް ފޮނުއްވާފައި ވަނީ ހިއުމަން ރައިޓްސް ކޮމިޝަނުގެ ނައިބު ރައީސްކަން ކުރިން ދެ ފަހަރަކު ކުރެއްވި މުހައްމަދު ޒާހިދު އަދި އަބްދުއް ރަހުމާން ސަލާހު ރަޝީދުގެ ނަމެވެ.

މިނިވަން މުއައްސަސާތަކަށް މެންބަރުން އައްޔަން ކުރާނީ އާންމުކޮށް ހުޅުވާލުމުން ކުރިމަތިލާ ފަރާތްތަކުގެ ތެރެއިން ރައީސް މަޖިލީހަށް ނަންތައް ފޮނުވުމުން މަޖިލީހުން އެ ނަންތައް ފާސްކުރުމުންނެވެ.