ދުނިޔޭގެ ގިނަ ބައެއްގެ މަގުބޫލުކަން ހޯދާފައިވާ ކޮރެއާގެ ތުރިލާ ސީރީޒް "ސްކުއިޑް ގޭމް"ގެ ސީޒަން 2 މިމަހުގެ 26 ވަނަ ދުވަހު ނެޓްފްލިކްސްގައި ރިލީޒްކުރާނެ އެވެ.

ސްކުއިޑް ގޭމް 2 ނެޓްފްލިކްސްއަށް އަންނާނެކަން އެ ޕްލެޓްފޯމުން އިއުލާން ކޮށްފައި މިވަނީ ދެކުނު ކޮރެއާއާއި އެމެރިކާގައި އެ ސީރީޒް ރިލީޒްކޮށްފައި ވަނިކޮށެވެ.

މިފަހަރުގެ ސީޒަންގައި ވެސް ބެލުންތެރިން ހައިރާން ކުރުވާފަދަ ޝައުގުވެރި ކަންތައްތަކެއް ފެނިގެންދާނެ ކަމަށް އެ ސީރީޒްގެ ލީޑު އެކްޓަރު ލީ ޖަންގް ޖެއި ބުންޏެވެ.

"ހިއެއް ނުކުރަން ދެވަނަ ސީޒަންއަކާ ހިސާބަށް އާދެވޭނެ ކަމަކަށް. ބެލުންތެރިން ގަޔާވާނެ ފަދަ ވާހަކައަކަށް ސީރީޒްއެއް ހެދުމަކީ އުނދަގޫ ކަމެއް،" އޭނާ ބުންޏެވެ.

2021 ވަނަ އަހަރު ނުކުތް ސްކުއިޑް ގޭމްގެ ފުރަތަމަ ސީޒަންއަށް ވެސް މަދު ދުވަސްކޮޅެއްގެ ތެރޭގައި ބޮޑު ކާމިޔާބެއް ވަނީ ލިބިފަ އެވެ.

ސްކުއިޑް ގޭމްގެ ދެވަނަ ސީޒަން ރިލީޒްކުރަން ތައްޔާރު ވެފައިވާއިރު އެ ސީރީޒްގެ ތިންވަނަ ސީޒަންއެއްގެ މަސައްކަތް ވެސް މިހާރު ވަނީ ފަށާފަ އެވެ.