ދުނިޔޭގެ އެންމެ ބޮޑު އާޓިފިޝަލް އައިލެންޑް އެއާޕޯޓް ޗައިނާއިން އަޅަން ފަށައިފި އެވެ.

ޗައިނާގެ އިރު އުތުރު އައްސޭރިފަށުގައި ހިއްކައިގެން ހަދަން ފަށާފައިވާ މި އެއާޕޯޓަށް ދީފައިވަނީ "ދަ ދާލިއަން ޖިންޒޫ ބޭ އިންޓަނޭޝަނަލް އެއާޕޯޓް" އެވެ.

ޖުމްލަ ހަތަރު ރަންވޭ އާއެކު ހަދާ މި އެއާޕޯޓުގެ ބޮޑުމިނުގައި 20 އަކަ ކިލޯމީޓަރު ހުރެ އެވެ. އަދި މިތަން ނިމޭއިރު 900,000 އަކަފޫޓުގެ ޕެސެންޖާ ޓާމިނަލެއް ހުންނާނެ އެވެ.

މި އެއާޕޯޓުގައި އަހަރަކު 540,000 ފްލައިޓް މޫވްމެންޓްއާއެކު 80 މިލިއަން ޕަސިންޖަރުނަށް ޚިދުމަތް ފޯރުކޮށްދެވޭނެ ކަމަށް އެއާޕޯޓް އޮޕަރޭޓަރުން އަމާޒުކުރެ އެވެ. މި އެއާޕޯޓް ހުޅުވުމަށް ޗައިނާއިން އަމާޒުކުރަނީ 2035 ވަނަ އަހަރު އެވެ. މިހާރު ބޭނުންކުރާ އެންމެ ބޮޑު އެއާޕޯޓް ކަމަށްވާ ޑާލިއާ ޒޫޝޫޒީ އެއާޕޯޓް މިހާރު ވަނީ ކެޕޭސިޓީއަށް ވުރެ ޑިމާންޑް ބޮޑުވެފަ އެވެ.

ޗައިނާއިން އަމާޒުކުރަނީ އޭވިއޭޝަންގެ ދުނިޔޭގައި އެމެރިކާއަށް ވުރެ ކުރިއަރާ ދުނިޔޭގެ އެންމެ ބޮޑު އެއާ ޓްރެވަލް މާކެޓަށް ހެދުމަށެވެ. ޗައިނާއިން ލަފާ ކުރަނީ 2035 އަންނަންވާއިރަށް ޑިމާންޑާ އެއްވަރުކުރުމަށްޓަކައި އެ ގައުމުގައި 450 އެއާޕޯޓް ހުންނަން ޖެހޭނެ ކަމަށެވެ.