މިދިޔަ ހުކުރު ދުވަހު ނިޔު ޔޯކްގެ މިސްކިތެއްގައި ކުރި ހުކުރު ނަމާދުގެ ޖަމާއަތުގެ ތެރެއިން މަޝްހޫރު ލަވަކިޔުންތެރިއެއް ކަމަށްވާ ޝޯން މެންޑަސް ފެނިއްޖެ އެވެ.

ހަބަރުތައް ބުނާ ގޮތުގައި ޝޯން އެތަނަށް ގޮސްފައިވަނީ އެ މިސްކިތަށް ނަމާދު ކުރަން ދިޔަ އޭނާގެ ސަޕޯޓަރަކަށް "ސަޕްރައިޒް"އެއް ދޭން ވެގެންނެވެ. އެގޮތުން ހުކުރު ނަމާދަށްފަހު މުސްތަފާ ކިޔާ އެމީހާއާއެކު ޝޯން ނަގާފައިވާ ފޮޓޯތަކެއް މިހާރު ސޯޝަލް މީޑިއާގައި ދަނީ ދައުރު ވަމުންނެވެ.

ޝޯންއަކީ މުސްލިމަކަށް ނުވިނަމަވެސް އެ ފޮޓޯތަކާއެކު އޭނާ ވެސް އެތަނަށް ގޮސް ހުރީ ހުކުރު ނަމާދަށް ކަމަށް ބުނާ އަޑުތަކެއް ވެސް ދަނީ ފެތުރެމުންނެވެ.

ރިޕޯޓުތައް ބުނާ ގޮތުގައި ޝޯން ވަނީ އެ މިސްކިތަށް ގޮސް ތިބި އޭނާގެ އެހެން ސަޕޯޓަރުންނާ ވެސް ސަލާމްކޮށް އެކުގައި ވަގުތު ހޭދަކޮށްފަ އެވެ.

ގިނަ ބައެއްގެ ތެރޭގައި ޝޯން މަޝްހޫރު ވެފައިވަނީ "ޓްރީޓް ޔޫ ބެޓާ"އާއި ކަމިލާ ކަބެލޯއާއެކު ކިޔައިދީފައިވާ "ސެނޯރީތާ" ފަދަ ލަވަތަކުންނެވެ.