މި ސަރުކާރުން މިދިޔަ އަހަރުގެ ތެރޭގައި ނެގި ލޯންތަކަށް 334 މިލިއަން ޑޮލަރު (5.2 ބިލިއަން ރުފިޔާ) އަރާކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފި އެވެ.

އެ މިނިސްޓްރީން އާންމު ކުރި ތަފާސް ހިސާބުތަކުން ދައްކަަ ގޮތުން މިދިޔަ އަހަރު 9 ލޯނެއް ވަނީ މި ސަރުކާރުން ނަގައިފަ އެވެ. މިދިޔަ އަހަރު އެންމެ ބޮޑު ލޯނެއް ނަގާފައިވަނީ ސައުދީ ފަންޑު ފޯ ޑިވެލޮޕްމަންޓުންނެވެ. އެ ފަންޑުން ނެގި ލޯން 150 މިލިއަން ޑޮލަރު (2.3 ބިލިއަން ރުފިޔާ) އަރައެވެ. ދެން އެންމެ ބޮޑު ލޯނެއް ނަގާފައިވަނީ އެކްސްޕޯޓު އިމްޕޯޓު ބޭންކް އޮފް ޗައިނާ (ޗައިނާ އެގްޒިމް) ބޭންކުންނެވެ. އެ ބޭންކުން ވަނީ 75 މިލިއަން ޑޮލަރު (1.2 ބިލިއަން ރުފިޔާ) ގެ ލޯނެއް މިދިޔަ އަހަރުގެ ތެރޭގައި ސަރުކާރުން ނަގާފައެވެ.

ތިންވަނަ އަށް އެންމެ ބޮޑު ލޯނެއް ނަގާފައިވަނީ އިސްލާމިކް ޑިވެލޮޕްމެންޓް ބޭންކް (އައިޑީބީ) އިންނެވެ.

އެ ބޭންކް ނެގި ދެ ލޯންކަށް 40 މިލިއަން ޑޮލަރު (617 މިލިއަން ރުފިޔާ) އަރަ އެވެ. އައިޑީބީން ލޯނު ނަގާފައިވަނީ ކުދި އަދި މެދުފަންތީގެ ވިޔަފާރިތަކަށް ބޭނުންވާ ފައިސާ ހަމަޖެއްސުމަށެވެ.

މިދިޔަ އަހަރުގެ ލޯނުތަކުގެ ތެރެއިން އެންމެ ގިނަ ލޯން ނަގާފައިވަނީ ވެލާނާ އިންޓަނޭޝަނަލް އެއާޕޯޓުގެ މަޝްރޫއަށެވެ. ލޯންތަކުގެ

80 ޕަސެންޓު ލޯނަކީ ވެލާނާ އިންޓަނޭޝަނަލް އެއާޕޯޓުގެ މަޝްރޫއު ނިންމަން ނަގާފައިވާ ލޯން އެވެ.