އިރުން އަޑު އިވޭނަމަ، އެއީ ކޮންކަހަލަ އަޑެއްތޯއާ ކިހާ ގަދަ އަޑެއްތޯ އެތައް ބަޔަކު ސުވާލު އުފައްދަ އެވެ.

މި ސުވާލަށް ސައިންޓިސްޓުން ޖަވާބު ހޯދާފައިވާއިރު، ސައިންސްވެރިންގެ ދިރާސާތަކުން ދައްކާ ގޮތުގައި، އިރުގެ ސަތަހައިގައި ހުންނަ ކޮންމެ އެއް މީޓަރު އަކަ ސަރަހައްދަކުން 100 އިން 300 ވޯޓުގެ އަޑުގެ ހަކަތަ އުފެދެ އެވެ.

މިއީ ޕޮލިސް ސައިރަނެއްގެ އަޑާ އެއްވަރުގެ އަޑެކެވެ. އަދި އިރުގެ ސަތަހައިގެ ބޮޑުމިނަކީ ދުނިޔޭގެ ސަތަހައަށްވުރެ 10،000 ގުނަ ބޮޑު ސަރަހައްދެކެވެ.

އިރުގެ ސަތަހައިގައި ޓެކްސާސްގެ ބޮޑުމިނުގެ ގާތްގަނޑަކަށް އެއް މިލިއަން ސެލް ހުންނަ ކަމަށާއި، މި ސެލްތަކުން ގޭސް އުފެދި، އަނެއްކާ ފިނިވެ، އަލުން ތިރިއަށް ފައިބައިގެންދާ ކަމަށް ޑީފޮރެސްޓް ވިދާޅުވި އެވެ. މި މުޅި ޕްރޮސެސް ހިނގަނީ ފަސް މިނެޓުގެ ތެރޭގައި ކަމަށް އޭނާ ވިދާޅުވި އެވެ.

ނަމަވެސް، މި ދުނިޔޭގައި ފިޒިކްސްގެ ގާނޫނުތަކުގެ ދަށުން، ވެކިއަމް ތެރެއިން އަޑު ދަތުރެއް ނުކުރެ އެވެ. އެހެންކަމުން، އަސްލު ހަގީގަތުގައި އިރުން އެއްވެސް އަޑެއް ނީވޭނެ އެވެ. މިއީ ހަމައެކަނި ސައިންޓިފިކް ވިސްނުމެކެވެ.

މި ދިރާސާއިން އަލިއަޅުވާލަނީ އިރުގެ ހަކަތައިގެ ބޮޑުކަމާއި، އޭގެ ސަތަހައިގައި ހިނގާ ޕްރޮސެސްތަކުގެ ގަދަކަމުގެ މައްޗަށެވެ. މިފަދަ ދިރާސާތަކުން އިރާ ބެހޭ ގޮތުގޮތުން އިތުރު މައުލޫމާތު ހޯދުމަށް މަގުފަހިވާނެ ކަމަށް ސައިންޓިސްޓުން ގަބޫލުކުރެ އެވެ.