ރުއިމަކީ ފައިދާހުރި ކަމެއް!
މިރޭ 12 އިން ފެށިގެން ވޭޕް އެތެރެކުރުން މަނާ
ކޯހެއްގެ ގޮތުގައި ބިޔޯންސޭގެ ކެރިއަރު ކިޔަވައިދެނީ!
ބުރަކޮށް މަސައްކަތް ނުކޮށް ހާހުން ފައިސާ ހޯދުމަކީ ގިނަ ބަޔަކު ދެކޭ ހުވަފެނެކެވެ.
މި ހުވަފެން ހަގީގަތަކަށް ހަދާފައިވާ އެކަކީ "ސްވީޓް އާޗެސް"ގެ ނަމުން މަޝްހޫރުކަން ހޯދާފައިވާ އަންހެން މީހެކެވެ. އޭނާ ފައިސާ ހޯދަންކުރާ މަސައްކަތަކީ ފައިގެ ފޮޓޯ ނެގުމަށް ފަހު ޕޯސްޓް ކުރުމެވެ.
މިއީ ކިތަންމެ ގަބޫލުކުރަން ދަތި ވާހަކައަކަށް ވީ ނަމަވެސް، އޭނާގެ އިންސްޓަގްރާމް ބަލާލުމުން މިއީ ހަގީގަތެއްކަން އެނގިގެންދެ އެވެ. ފޮޓޯ ހިއްސާކުރުމުގެ އިތުރުން އޮންލައިންކޮށް އޭނާގެ ފައިގެ ފޮޓޯ ވިއްކައިގެން މަހަކު 6،000 ޑޮލަރު ހޯދައެވެ.
އެމެރިކާއަށް ނިސްބަތްވަ މި އަންހެން މީހާގެ ފައިގެ ފޮޓޯ ވިއްކާތާ ވަރަށް ދުވަސްވެއްޖެ އެވެ. އޭނާ ބުނި ގޮތުގައި ބައެއް ފަހަރު މީހުން ވަރަށް ތަފާތު ކަންތައް ކުރުމަށް އެދޭ ކަމަށެވެ.
"ބައެއް މީހުންނަށް ކަމުދަނީ ފުންނާބު. ބައެއް މީހުންނަށް ފައިގެ އިނގިލިތައްވެސް ކަމުދޭ. ބައެއް މީހުން ބަލަން ބޭނުންވޭ އެކި އެއްޗެއްސަށް ފައިން އަރާތަން. މިސާލަކަށް ރާސްޕްބެރީ އާ މޭބިސްކަދުރާއި އަދި ކޭކުފަދަ އެއްޗެހި. ބައެއް މީހުން ބޭނުންވޭ ހިނިތަކެއްގެ މައްޗަށް ފައިން އަރާތަން ވެސް ބަލަން. އެކަމަކު އެކަހަލަ ކަމެއް ނުކުރާނަން. ދިރޭ އެއްޗެއްގެ މައްޗަށް ފައިން ނާރާނަން،" އުމުރުން 28 އަހަރުގެ މި މީހާ ބުންޏެވެ.
"ބައެއް މީހުންނަށް ކަމުދަނީ އަހަރެންގެ ފައިގެ އިނގިލިތަކާ ކުޅޭ މަންޒަރު ބަލަން. ބައެއް ފަހަރު އިނގިލިތަކުގައި ދޫލާ ތަން ބަލަން ބޭނުންވާ މީހުން ވެސް ތިބޭ. އެއް ކްލައިންޓަކު ބޭނުންވި އަހަރެންގެ ބޫޓެއް ވެސް."
ބޭރުގައުމު ތަކުގައި މިފަދަ ތަފާތު ކަންތައްތައް ކޮށްގެން ފައިސާ ހޯދާއެތައް ބަޔަކު އުޅެ އެވެ. އެގޮތުން ހަމައެކަނި ކެމެރަ ކުރިމަތީގައި އެކި އެއްޗެހި ކައިފައި، ވީޑިއޯ އަޕްލޯޑްކޮށްގެން މިލިއަނުން ފައިސާ ހޯދާ މީހުން ވެސް އުޅެ އެވެ.
