ހުޅުމާލެ ނިރޮޅުމަގުގައި މަޑުކޮށްފައި އޮތް ޕިކަޕެއްގެ ދޮރު ހުޅުވި ވަގުތު ދޮރުގައި ސައިކަލެއް ޖެހި އެކްސިޑެންޓެއް ހިނގައިފި އެވެ.

މި ހާދިސާ ހިނގާފައިވަނީ މިއަދު ހަވީރުގެ ވަގުތެއްގަ އެވެ. މި އެކްސިޑެންޓް ހިނގާފައިވާކަމަށް ފުލުހުންނަށް ރިޕޯޓްކޮށްފައިވަނީ މިއަދު ހަވީރު 4:00 ހާއިރު އެވެ.

ފުލުހުން ބުނިގޮތުގައި މި އެކްސިޑެންޓްގައި ސައިކަލު ދުއްވަންއިން 22 އަހަރުގެ ދިވެހި ފިރިހެން މީހާއަށް ވަނީ އަނިޔާވެފަ އެވެ. ނަމަވެސް އޭނާއަށް ލިބިފައިވަނީ ކުދި އަނިޔާތަކެއް ކަމަށާއި އެއްވެސް ސީރިއަސް އަނިޔާއެއް ލިބިފައި ނުވާ ކަމަށް ފުލުހުންގެ ބުންޏެވެ.

މި ހާދިސާއާ ގުޅިގެން ބަލަންޖެހޭ ކަންކަން ފުލުހުން އަންނަނީ އިތުރަށް ތަހުގީގު ކުރަމުންނެވެ.