ލޯބީގެ ތަފާތު ވާހަކަތަކެއްގެ މައްޗަށް އަހުމަދު ނިމާލް ޑައިރެކްޓްކޮށްފައިވާ ފިލްމު "ހެހެސް"ގެ ޓްރެއިލާ ނެރެފި އެވެ.

ޔޫއްޕެ ޕްރޮޑަކްޝަނާއި ޝައި ޕްރޮޑަކްޝަނުން ގުޅިގެން އުފައްދާ "ހެހެސް"ގެ ޓްރައިލާއިން ފެނިގެންދަނީ ހަތަރު އަންހެން ކުދިން، ލޯބި ސިފަކުރާ ތަފާތު ގޮތްތަކެކެވެ.

"އިން ފަހަނައެޅި އިޝްގް" މި ޓެގްލައިން ބޭނުންކޮށްފައިވާ ފިލްމް "ހެހެސް" އަކީ ލޯބީގެ ތަފާތު ވާހަކައެއްގެ މައްޗަށް ބިނާކޮށް އުފައްދާފައި ސަސްޕެންސް ތްރިލާއެކެވެ. މި ފިލްމުގެ ޓްރައިލާއިން ވެސް އެކަން ވަނީ ފާހަގަވެފަ އެވެ.

https://www.youtube.com/watch?v=3MaxlN7GUes

ޑައިރެކްޓަރު އަދި އެކްޓަރު ޔޫސުފް ޝަފީއު ލިޔެފައިވާ ސްކްރީން ޕްލޭއެއްގެ މައްޗަށް އުފައްދާފައިވާ "ހެހެސް" ދެއްކުމަށް ހަމަޖެހިފައި ވަނީ މީޑިއާނެޓްގެ އޯޓީޓީ ޕްލެޓްފޯމުތައް ކަމަށްވާ މަލްޓި ސްކްރީނާއި އެމްއެސްޓީވީގެ ވީޑިއޯ އޮން ޑިމާންޑް މެދުވެރިކޮށެވެ.

ފިލްމުގައި އެންމެ މުހިންމު ރޯލުތަކުން ފެނިގެންދާނީ ޔޫސުފް ޝަފީއު (ޔޫއްޕެ) އާއި އަލީ އާޒިމް (ދޮން އައްޔަ) އަދި އިބްރާހިމް ޖިހާދު (ޖިމީ) އާއި އިރުފާނާ އިބްރާހިމް (އިރޫ) އާއި ވާޝިޔާ މުހައްމަދު އަދި މަރިޔަމް ޝިފާ (ޝިފް) އެވެ.