ނިއުޒިލެންޑްގެ އާންމު އިންތިހާބުގައި ތާރީހީ ނަތީޖާ އަކާއި އެކު ނިއުޒިލެންޑްގެ މިހާރުގެ ބޮޑު ވަޒީރު ޖަސިންދާ އަޑާން ދެވަނަ ދައުރަކަށް އިންހތިހާބުވެ ވަޑައިގެންފި އެވެ.

ހުރިހާ ވޯޓެއް ގުނާ ނިމިފައިވާ އިރު އަޑާންގެ ސެންޓާ-ލެފްޓް ލޭބާ ޕާޓީއިން 49.1 އިންސައްތަ ވޯޓާއި އެކު ގާނޫނު ހަދާ މަޖިލީހުގެ 64 ގޮނޑި ކާމިޔާބުކޮށްފައިވެ އެވެ.

އިދިކޮޅު ސެންޓަ-ރައިޓް ނެޝަނަލް ޕާޓީއަށް ލިބިފައިވަނީ ވޯޓުގެ 26.8 އިންސައްތައާއި އެކު މަޖިލީހުގެ 120 ގޮނޑިގެ ތެރެއިން އެންމެ 35 ގޮނޑި އެވެ.

މި އިންތިހާބު ކުރިން ބާއްވަން ނިންމީ ސެޕްޓެމްބަރު މަހުގައި ކަމަށްވިޔަސް ކޮވިޑް-19 އާ ގުޅިގެން އެއް މަސް ދުވަހަށް ފަސްކުރި އެވެ.

މިއީ މިހާތަނަށް ނިއުޒިލެންޑްގެ އިންތިހާބެއްގައި އެއް ޕާޓީއަކުން މިހާ ބޮޑު މެޖޯރިޓީއެއް ހޯދި ފުރަތަމަ ފަހަރެވެ.