ބޮލީވުޑްގެ މަޝްހޫރު އެކްޓަރު ރާޖްކުމާރް ރާއޯ އާއި އޭނާގެ ލޯބިވެރިޔާ އަދި ބަތަލާ، ޕެޓްރަލެކާ ޕައުލް ކައިވެނި ކޮށްފި އެވެ.

ރާޖްކުމާރް އާއި ފެޓްރަލެކާ ލޯބީގެ ގޮތުން ގުޅިގެން އުޅޭތާ 11 އަހަރުވެފައިވާއިރު އެ ދެމީހުން ކައިވެނި ކޮށްފައިވަނީ އިއްޔެ އެވެ. އެގޮތުން ކައިވެނީގެ ހަފްލާ އިއްޔެ ބާއްވާފައިވާއިރު ދެ ފަރާތުގެ އާއިލާގެ މީހުންނާއި އެކުވެރިން އަދި ފިލްމީ ދާއިރާގެ ބައެއް ފަންނާނުން ވަނީ ބައިވެރިވެފަ އެވެ.

ރާޖްކުރާމާރާއި ޕެޓްރަލެކާ އެންމެ ފުރަތަމަ ދިމާވީ ދެ މީހުން އެކުގައި ފެނުނު ފިލްމު އަދި ޕެޓްރަލިކާގެ ފުރަތަމަ ފިލްމު ސިޓީ ލައިޓްސް އިންނެވެ. ޑައިރެކްޓަރު ހެންސަލް މެހެތާގެ މި ފިލްމުގެ ސެޓުން ބައްދަލުވެ، ދެ މީހުންގެ ގުޅުން ބަދަހިވެ އެންމެ ފަހުން ލޯތްބަށް ބަދަލުވީ އެވެ.

ރާޖްކުމާރު އާއި ފެޓްރަލެކާ ކައިވެނީގެ ބައެއް ފޮޓޯތައް ސޯޝަލް މީޑިއާގައި މިހާރު ދައުރުވަމުން އަންނަ އިރު ބޮލީވުޑްގެ ގިނަ ތަރިންނާއި އެދެމީހުންގެ ފޭނުން އަންނަނީ އެ ކައިވެންޏަށް މަރުހަބާ ކިޔަމުންނެވެ.

އުމުރުން 32 އަހަރުގެ ބަތަލާ ޕަޓްރާލޭކާ އަކީ ވެސް ފާހަގަކޮށްލޭ ފިލްމުތަކުން ފެނިފަައިވާ ފަންނާނެކެވެ. އެގޮތުން އޭނާ ކުޅެފައިވާ ބައެއް ފިލްމުތަކުގެ ތެރޭގައި "ސިޓީ ލައިޓް" އާއި "ބަދްނާމް ގާލީ" ހިމެނެ އެވެ.

ރާޖްކުމާރު އަކީވެސް ބޮލީވުޑްގައި ފާހަގަ ކޮށްލެވޭ ފިލްމުތަކެއް އުޅެފައިވާ ފަންނާނެ ކެވެ. އެގޮތުން

"ޑޯލީ ކީ ޑޯލި" އާއި "ސްޓްރީ" އަދި "މޭޑް އިން ޗައިނާ" އަކީ ބެލުންތެެރިންނަށް ވެސް ވަރަށް ކަމުދިޔަ ފިލްމުތަކެވެ.