ބޮލީވުޑްގެ މަޝްހޫރު ފަންނާނެއް ކަމަށްވާ ސުޝްމިތާ ސެން، އޭނާގެ ލޯބިވެރިޔާ އާ ރުޅިވެއްޖެ އެވެ.

ސުޝްމީތާ އާއި އޭނާގެ ކުރީގެ ލޯބިވެރިޔާ ރޯމަން ޝޯލް އާ އެންމެ ފުރަތަމަ ދިމާވެފައިވަނީ 2018 ވަނަ އަހަރު ފެޝެން ޝޯއެއްގެ ތެރެއިންނެވެ.

އެއަށްފަހު ތިން އަހަރު ދުވަހު އެކީގައި އުޅުމަށްފަހު ދެ މީހުންގެ ގުޅުން އެއްކޮށް ނިމުނު ވާހަކަ ސުޝްމީތާ އިއުލާނުކުރީ އޭނާގެ ސޯޝަލް މީޑިޔާގައި އާންމުކުރި ޕޯސްޓަކުންނެވެ.

އެދެ މީހުން ރުޅިވާން ޖެހުނީ ކޮން ސަބަބަކާ ގުޅިގެން ކަމެއް ސުޝްމީތާ ހާމަކޮށްފައެއް ނުވެ އެވެ. ނަމަވެސް ސުޝްމީތާ ވަނީ، އެދެ މީހުންގެ ލޯބީގެ ގުޅުން ކެނޑުނު ނަމަވެސް، އަބަދުމެ އަބަދަށް އެދެ މީހުން ރަހުމަތްތެރިންގެ ގޮތުގައި ދެމިތިބޭނެ ކަމަށް ބުނެފަ އެވެ.

ސުޝްމިތާގެ ލޯބީގެ ހަޔާތާއި ގުޅޭގޮތުން ގިނަ ބަޔަކު ވާހަކަތައް ދައްކަމުންދާއިރު، ގިނަ މީހުން އެންމެ ފާޑުކިޔަނީ، އޭނާ އެއްވެސް މީހަކާއެކު ދިގު މުއްދަތަކަށް ނުއުޅުމެވެ. މިގޮތުން ރޯމަންއަކީ ސުޝްމިތާއަށް ލޯބީގެ ގޮތުން ގުޅުނު 11 ވަނަ މީހާ އެވެ.