ތިލަފުށީގައި ކުނި މެނޭޖް ކުރަމުގެ މަސައްކަތް ކުރިއަށްދާގޮތް އެންވަޔަރުމަންޓް މިނިސްޓަރު އާމިނަތު ޝައުނާ ބައްލަވާލައްވައިފި އެވެ.

މިނިސްޓަރު ޝައުނާގެ މި ޒިޔާރަތުގައި ވަނީ ތިލަފުށީގައި ކުނިމެނޭޖް ކުރުމަށް ދިމާވަމުން އަންނަ ދަތިތަކާއި ހުރި ގޮންޖެހުންތަކުގެ މައުލޫމާތު އޮޅުންފިލުވާފަ އެވެ.

މިނިސްޓަރު ޝައުނާގެ އަރިހުގައި މިދަތުރުގައި އެންވަޔަރަމަންޓް މިނިސްޓްރީގެ އިސް އޮފިޝަލުންގެ އިތުރުން ވެމްކޯގެ އިސްވެރިންނާއި މިނިސްޓްރީގެ ވޭސްޓް ޑިޕާޓްމެންޓްގެ އިސްވެރިން ވަނީ ބައިވެރިވެފަ އެވެ.

މީގެ ކުރިން ވެސް މިނިސްޓަރު ޝައުނާ ވަނީ ތިލަފުށީގައި ކުނިމެނޭޖް ކުރުމުގެ މަސައްކަތް ކުރިއަށްދާ ގޮތް ބައްލަވާލައްވާފަ އެވެ.

މާލެ ސަރަހައްދުގެ ކުނި، ޒަމާނީ ޓެކްނޮލިޖީގެ އެހީއާއެކު މިހާރަށްވުރެ ރަނގަޅަށް ކުރުމަށް ސަރުކާރުން ހިންގާ "ގްރޭޓަ މާލޭ އެންވަޔަރަމަންޓަލް އިމްޕްރޫވްމަންޓް އެންޑް ވޭސްޓް މެނޭޖްމަންޓް ޕްރޮޖެކްޓް"ގެ މަސައްކަތް ބެއްލެވުމަށް ކުރެއްވި ދަތުރުފުޅެކެވެ.

މިއީ ކުނި މެނޭޖުކުރުމަށް ރާއްޖޭގައި މިހާތަނަށް ހިންގާ އެންމެ ބިޔަ އެއް މަޝްރޫއަކަށްވާއިރު، މި މަޝްރޫއުގެ މަސައްކަތް ފެށުމަށް ލޯންޗުކޮށްފައި ވަނީ މިދިޔަ ޑިސެމްބަރު 15 ގަ އެވެ.