އާ ރަށަށް އެންމެ ގިނައިން ރައީސް ވަޑައިގަތީ ފުޓުބޯޅަ ކުޅެން
ސަރުކާރުގެ ކޯލިޝަނުން އެމްޑީއޭ ވަކިވެއްޖެ
ޔުމްނުގެ މައްސަލައިގައި ކޮމިޝަނުގެ ނިންމުމަށް ތަބާވާނަން: ރައީސް
އައްޑޫ ބިން ހިއްކުމުގެ މަޝްރޫއުގެ މަސައްކަތްތައް ފެށުމަށްޓަކައި ވާންޖެހޭ ތައްޔާރީތައް ވަމުން އަންނަނަ ކަމަށް އެ މަޝްރޫއު ކުރިއަށްގެންދާ ނެދަލޭންޑްސްގެ ވެން އޫޑް ޑްރެޖިން ކުންފުނިން ބުނެފި އެވެ.
އެ ކުންފުނިން އާންމުކޮށްފައިވާ ބަޔާނެއްގައި ބުނެފައިވަނީ މި މަޝްރޫއަކީ ތިމާވެއްޓާ ވަރަށް ބޮޑަށް ގުޅިފައި އޮތް ކަމަށްވާތީ މަސައްކަތް ކުރިއަށް ގެންދާނީ ރައްކާތެރިކަމުގެ ގޮތުން އަޅަން ޖެހޭ ހުރިހާ ފިޔަވަޅުތަކެއް އަޅައި، ކަމުގެ ތަޖުރިބާކާރުންގެ ލަފަ އާއި މަޝްވަރާގެ މަތިން ކަމަށެވެ.
އައްޑޫގެ ބިން ހިއްކުމަށްޓަކައި ގެންނަން ހަމަޖެހިފައި ވަނީ ވެން އޫޑްގެ އެޗްއޭއެމް 318 ޑްރެޖަރެވެ. މި މަޝްރޫއުގެ ދަށުން 194 ހެކްޓަރުގެ ބިން ހިއްކާނެ އެވެ.
އައްޑޫ ބިން ހިއްކުމުގެ މަސައްކަތް 18 މަސް ދުވަހުގެ ތެރޭގައި ނިމިގެންދާނެ ކަމަށް ވެސް އެ ކުންފުނިން ވަނީ ބުނެފަ އެވެ.
އިންޑިއާ ސަރުކާރުގެ އެގްޒިމް ބޭންކްގެ 800 މިލިއަން ޑޮލަރުގެ ލައިން އޮފް ކްރެޑިޓްގެ ދަށުން ކުރިއަށްގެންދާ އެ މަޝްރޫއު ހަވާލުކޮށްފައިވަނީ ބިން ހިއްކުމުގެ އިތުރުން ގޮނޑުދޮށް ހިމާޔަތް ކުރުމުގެ މަސައްކަތް ވެސް ކުރިއަށްގެންދާ ގޮތަށެވެ.
ވެން އޫޑް ޑްރެޖިން ކުންފުނީގެ ބަޔާނުގައިވާ ގޮތުން އެ މަޝްރޫއު ކުރިއަށްދާއިރު 11 ކިލޯމީޓަރުގެ ސަރަހައްދެއްގައި ގޮނޑުދޮށް ހިމާޔަތް ކުރުމުގެ މަސައްކަތް ކުރާނެ އެވެ.
މިއީ އައްޑޫގައި ބިން ހިއްކަން މިހާތަނަށް ކުރިއަށް ގެންދާ އެންމެ ބޮޑު މަޝްރޫއެ އެވެ. ކައުންސިލުން ބުނިގޮތުގައި މި މަޝްރޫއުގެ ސަބަބުން މިހާރު އައްޑޫއަށް އޮތް ބިމުގެ ދަތިކަން ކުރިއަށް އޮތް 50 އަހަރަށް ހައްލުވާނެ އެވެ.
އައްޑޫން ބޮޑު ސަރަހައްދެއް ހިއްކާތީ ތިމާވެށީގެ ހިމާޔަތުގައި މަސައްކަތް ކުރާ މީހުން އަންނަނީ ކަންބޮޑުވުން ފާޅު ކުރަމުންނެވެ. އެ މީހުން ބުނާގޮތުގައި އެ މަޝްރޫއުގެ ސަބަބުން ތިމާވެއްޓަށް ނޭދެވޭ އެތައް އަސަރެއް ކުރާނެ އެވެ.
އައްޑޫން ބިން ހިއްކަނީ އެއީ ކޮން މަގްސަދެއް ހާސިލް ކުރަންތޭ މަމެންނަށް ޔަގީނޭ ތިޔާ ލޯން ނަގައިގެން އައްޑޫ ގައި ހިއްކާ ބިމުން އެންމެ ރުފިޔާ އެއްވެސް އަނބުރާ ލޯންގެ ގޮތުގައި އައްޑޫން ނުދެއްކޭނެއޭ ނަތީޖާ އަކީ ތިޔާ ލޯން ވެސް ދައްކަން ޖެހޭނީ މަމެން މާލޭ ސަރަަހައްދުގައި ތިބި ވިޔަފާރިވެރިން އުނަގަނޑު ބިންދައިގެން ކުރާ މަސައްކަތުން ހޯދާ ފައިސާއިންނޭ ބަދަލުގައި ތިޔާ ލޯން އިން ހުޅުމާލޭ އިރުން އޮތް ބޮޑު ފަޅު ހިއްކާ އެތަނުން ގޯތި ދޭން ހެދިނަމަ މާބޮޑަށް ރަނގަޅުވާނެއޭ...
އައްޑޫގެ ބިން ހިއްކުމުން ކަންތައް ބޮޑު މިވަނީ މިއީ ހާދަ ބޮޑު އަރަތެއް މާލެއާއި މާލެ ކައިރީގައިވާ ތަންތަން ކިތަންމެ ވަރަކަށް ހިއްކިއަސް ..........