އްޔިތުންގެ މަޖިލީހުގެ ހެންވޭރު އުތުރު ދާއިރާގެ މެންބަރު ޙުސައިން ޝަހީމް (އަނދުން) ޙުސައިންގެ ބަރަހަނާ މަންޒަރު ފެންނަ ފޮޓޯ ފުލުހުންގެ ސަމާލުކަމަށް އައިސްފައިވާ ކަމަށާއި އެ މައްސަލަ ބަލަމުންދާ ކަމަށް ފުލުހުން ބުނެފި އެވެ.

ރޭގެ ވަގުތެއްގައި ލީކުވި މި ފޮޓޯގައި އަނދުން ހުސެއިން އާއި އިތުރު ފިރިހެނަކާއި އަދި އަންހެނަކާއި އެކު ބަރަހަނާކޮށް ކޮޓަރިއެއްގެ ތެރޭގައި ތިއްބާ ފެނެ އެވެ. އެ ތިން މީހުންވެސް ތިބީ އެއް އެނދެއްގައި ކަންވެސް ފޮޓޯއިން ފެނެ އެވެ. މި ފޮޓޯ އާންމުކޮށްފައިވަނީ އެމްވީލީކް 2.0 ގެ ނަމުގައި ޓުވިޓާގައި ހިންގާ އެކައުންޓަކުންނެވެ.

ފުލުހުން ބުނެފައިވަނީ އެ ފޮޓޯ ފުލުހުންގެ ސަމާލުކަމަށް އައިސްފައިވާ ކަމަށެވެ. އަދި ބަލަންޖެހޭ ކަންކަން ބަލަމުންދާ ކަމަށް ބުނެފައިވެ އެވެ.

އަނދުން ހުސެއިންގެ ފޮޓޯއެއް އާންމުވެފައިވާއިރު، އިއްޔެގެ ވަގުތެއްގައި ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދުގެ ކޮއްކޮ ނާޒިމް ސައްތާރު އެއްޖިންސުން ގުޅުން ހިންގާ ވީޑިއޯއެއް ވެސް ވަނީ އާންމުވެފައެވެ. އެ މައްސަލަވެސް ބަލަމުންދާކަމަށް ފުލުހުން ވަނީ ބުނެފައެވެ.