މިއަހަރުގެ ފުރަތަމަ ތިން މަހުގައި އާސަންދަ އަށް 600 މިލިއަން ރުފިޔާ ހަރަދުކޮށްފި އެވެ.

ރާއްޖޭގެ ރައްޔިތުންނަށް ހިލޭ ބޭސްފަރުވާގެ ހިދުމަތް ދިނުމަށް ގައުމީ ހެލްތު އިންޝުއަރެންސް ސްކީމްކަމަށްވާ އާސަންދިގެ ބަޖެޓުން 600 މިލިއަން އާސަންދައަށް ހަރަދުކޮށްފައިވާކަން ފިނޭންސް މިނިސްޓްރީން ހާމަކޮށްފައިވާއިރު، މިއަހަރަށް އާސަންދައަށް ކަނޑައަޅާފައި ވަނީ އެއް ބިލިއަން ރުފިޔާ އެވެ.

މިއީ އާސަންދަ ބަޖެޓުގެ 60 ޕަސެންޓެވެ.

ފިނޭންސް މިނިސްޓްރީގެ ތަފާސްހިސާބުތަކުން އެނގޭގޮތުގައި މިދިޔަ އަހަރުގެ މި މުއްދަތުގައި އާސަންދައަށް ހޭދަވެފައި ވަނީ، 345 މިލިއަން ރުފިޔާ އެވެ. މިދިޔަ އަހަރާ އަޅާކިޔާއިރު، މިއަހަރު އާސަންދައަށް ހަރަދުކޮށްފައިވާ އަދަދު ދެގުނައަށް އިތުރުވެފައިވެ އެވެ.

މިދިޔަ އަހަރު އާސަންދައިން އެންމެ ބޮޑު ހަރަދެއްކޮށްފައި ވަނީ ރާއްޖެއިން ބޭރުން ހޯދި ބޭސްފަރުވާ އަށެވެ.

ކޮންމެ އަހަރަކު ވެސް، ސަރުކާރުން އާސަންދައަށް ކަނޑައަޅާ ބަޖެޓަ ށްވުރެ ގިނައިން ހަރަދުކުރެ އެވެ.