ނ. މާފަރު އިންޓަނޭޝަނަލް އެއާޕޯޓުން މިނިކާވަގެއްކަމަށް ބެލެވޭ އެއްޗެއް ފެނިއްޖެ އެވެ.

މިނިކާވަގެއް ކަމަށް ބެލެވޭ އެ ޖަނަވާރު ހިނގައިފައި ދާ މަންޒަރު ފެންނަ ވީޑިއޯއެއް ވަނީ ސޯޝަލް މީޑިއާގައި އާއްމުވެފަ އެވެ.

މާފަރު ކައުންސިލްގެ މެމްބަރަކު ވިދާޅުވީ އެ ޖަނަވާރު ހޯދުމުގެ މަސައްކަތް ސިފައިން ކުރަމުން އަންނަ ކަމަށެވެ. އެ ޖަނަވާރު ރަށު ތެރޭގައި އުޅެފާނެތީ ރައްޔިތުން ތިބީ ބިރުވެރިކަމެއްގެ ތެރޭގައި ކަމަށް ވެސް އޭނާ ވިދާޅުވި އެވެ.

އެ ޖަނަވާރު ފެނިފައިވަނީ އެ ސަރަަހައްދުގައި މަސައްކަތްކުރަން އުޅޭ ބިދޭސީ މަސައްކަތްތެރިންތަކަކަށެވެ. އެ ވީޑިއޯ ކޮށްފައި ވަނީ މިއަދު އެވެ.