ބޮލީވުޑްގެ މަޝްހޫރު ބަތަލާ އާލިއާ ބަޓްގެ އަމިއްލަ ޕްރޮޑަކްޝަން ހައުސް އެޓާނަލް ސަންޝައިން ޕްރޮޑިއުސްކުރާ ފުރަތަމަ ފިލްމު އިއުލާނުކޮށްފި އެވެ.

"ޖިގްރާ" ނަމުގައި އުފައްދާ މިފިލްމަކީ އާލިއާގެ އިތުރުން ޑައިރެކްޓަރު/ޕްރޮޑިއުސަރު ކަރަން ޖޯހަރުގެ ދަރުމާ ޕްރޮޑަކްޝަން ގުޅިގެން ގެނެސްދިނުމަށް ހަމަޖެހިފައިވާ ފިލްމެކެވެ.

އާލިއާ ލީޑު ރޯލު ކުޅޭ އެ ފިލްމު ޑައިރެކްޓުކުރަނީ "މޮނިކާ އޯ މައި ޑާލިން" އާއި "މަރުދު ކޯ ދަރުތު ނަހީ ހޯތާ" ކަހަލަ ފިލްމުތައް ޑައިރެކްޓުކުރި ވަސަން ބާލާ އެވެ.

https://www.instagram.com/reel/CxpK9ybMFcj/?utm_source=ig_embed&ig_rid=59439082-299e-4951-a6f0-b26f6b2740c0

މިފިލްމުގެ ޓީޒާ މިހާރު ބެލުންތެރިންނަށް ދޫކޮށްލާފައިވާއިރު މިފިލްމުގައި ފެނިގެންދާނެ ތަރިންނާ ބެހޭ ތަފްސީލެއް އަދި ހާމަކޮށްފައިނުވެ އެވެ. މިފިލްމުގެ ޓީޒާއިން ފެނިގެންދާ ގޮތުގައި މިފިލްމަކީ ދައްތައެއްގެ ހިތުގައި އޭނާގެ ކޮއްކޮއަށް އޮތް ލޯތްބާއި ކޮއްކޮއަށްޓަކައި އޭނާގެ ދައްތަ ވާ ގުރުބާނީ ދައްކާނެ ފިލްމެކެވެ.

ރިޕޯޓްތައް ބުނާ ގޮތުގައި މިފިލްމު ބެލުންތެރިންނަށް ގެނެސްދޭން ހަމަޖެހިފައި ވަނީ އަންނަ އަހަރުގެ ސެޕްޓެމްބަރު 24 ގަ އެވެ.