ބ. ކެންދޫ މޮނިޓަރިންގެ ހާލަތަށް ގެނެސްފި އެވެ.

ކެންދޫ ކައުންސިލް މެމްބަރަކު ވިދާޅުވީ އެރަށް މޮނިޓަރިންގެ ހާލަތަށް ގެނައީ ހޯމް ކަރަންޓީނުގައި ހުރި މީހަކު ކޮވިޑަށް ޕޮޒިޓިވްވެފައިވާއިރު، އިތުރު މީހަކު އޭނައާ ޑައިރެކްޓް ކޮންޓެކްޓްވެފައިވާތީ ކަމަށެވެ.

އެކަމާ ގުޅިގެން ކޮންޓެކްޓް ޓްރޭސިން ހަދައި ސާމްޕަލް ނެގުމަށް ކުރަންޖެހޭ މަސައްކަތްތައް ކުރަމުން އަންނަ ކަމަށް ކައުންސިލް މެމްބަރު ވިދާޅުވި އެވެ.

މިއީ މިއަދު މޮނިޓަރިންގެ ހާލަތަށް ގެނައި ތިން ވަނަ ރަށެވެ. ދެން މިއަދު މޮނިޓަރިންގެ ހާލަތަށް ގެނެސްފައި ވަނީ ސ. މީދޫ އާއި ސ. ހުޅުދޫ އެވެ. އެރަށްތަކުގެ އިތުރުން މިހާރު މޮނިޓަރިންގެ ހާލަތުގައި ވަނީ ގއ. ދާންދޫ، ގދ. ތިނަދޫ، ހއ. މުރައިދޫ، އއ. ތޮއްޑޫގެ އިތުރުން މ. ކޮޅުފުއްޓެވެ.