ރައީސް ޑރ. މުހައްމަދު މުއިއްޒުގެ އާއިލާއިން ކަރޯކޭ ނުޖައްސަވާ ކަމަށް ރައީސް އޮފީހުގެ ކޮމިޔުނިކޭޝަން މިނިސްޓަރު އިބްރާހީމް ހަލީލް ވިދާޅުވެފައި ވަނިކޮށް، ރައީސްގެ އަނބިކަނބަލުން ސާޖިދާ މުހައްމަދު ކަރޯކޭ ޖައްސަވާ ވީޑިއޯއެއް ލީކްވެއްޖެ އެވެ.

ފަސްޓް ލޭޑީ ސާޖިދާ ކަރޯކޭ ޖައްސަވަން އަގުބޮޑު ސައުންޑު ސިސްޓަމެއް ގަނެ، މުލީއާގެއަށް ވެއްދި ކަމަށް ބުނެ ސޯޝަލް މީޑިއާގައި ވަނީ އެކަމުގެ ފޮޓޯއެއް ބުނާ ފޮޓޯއެއް އާންމުކޮފަ އެވެ.

ހަލީލް މިއަދު ވިދާޅުވީ ކަރޯކޭ ޖެއްސެވުމަކީ ރައީސް މުއިއްޒުގެ އާއިލާއިން ދުވަހަކު ވެސް ކުރެއްވި ކަމެއް ނޫން ކަމަށެވެ.

ހަލީލު މިހެން ވިދާޅުވެފައި ވަނިކޮށް، ހަސަން ކުރުސީ ޓްވިޓާ އެކައުންޓުން ވަނީ ސާޖިދާ ކަރޯކޭ ޖައްސަވާ ވީޑިއޯއެއް ލީކްކޮށްފަ އެވެ.

އެ ވީޑިއޯ އިން ފެންނަގޮތުގައި ކަރޯކޭ ޖައްސަވަމުން ފޯރިއާއި ޖޯޝާއެކު ސާޖިދާ ނަށަ އެވެ. އެ ވީޑިއޯތަކުން ފެންނަނީ ހިތާނީ ޕާޓީއަކަށް ތަނެއް ތައްޔާރުކުރާ މަންޒަރެވެ. ފަހުން ޕާޓީގެ އިތުރު ފޮޓޯ އަދި ވީޑިއޯ ވެސް އެ އެކައުންޓުން އާންމުކޮށްފައިވެ އެވެ. އޭގެ ތެރެއިން އެއް ވީޑިއޯގައި ރައީސް މުއިއްޒު ވެސް ފެނެ އެވެ.