ވަކި ޕޭޝަންޓަކަށް އެޕޮއިޓްމެންޓް ދޫނުކުރަން އައިޖީއެމްއެޗްގެ ޑައެޓީޝަން އެ ހޮސްޕިޓަލުގެ ސްޓާފުންނަށް އަންގައިފި އެވެ. މި ގޮތަށް އަންގާފައި ވަނީ އައިޖީއެމްއެޗް ގައި ޑައެޓީޝަނެއްގެ ގޮތުގައި މަސައްކަތްކުރާ އާސިޔާ އަބްދުއްް ރަހީމެވެ.

އައިޖީއެމްއެޗްގެ ލެޓާހެޑްގައި ޕޭޝަންޓަށް ދޫކޮށްފައިވާ މެމޯގެ ސްކްރީންޝޮޓެއް ޝޯޝަލް މީޑިއާގައި އަންނަނީ ދައުރުވަމުންނެވެ. އޭގައި ޕޭޝަންޓްގެ އެއްވެސް ކަމެއް އެ އޭނާއަށް އިތުރަށް "އެންޓަޓެއިން" ނުކުރެވޭނެ ކަމަށާއި މީގެ ފަހުން މި ޕޭޝަންޓަށް އާސިޔާގެ މެމޯ ދޫނުކުރަން އާސިޔާ ވަނީ އަންގާފަ އެވެ.

މި ގޮތަށް އޭނާ އެންގި ސަބަބެއް މެމޯގައި ޖަހާފައެއް ނެތެވެ. ވަކި މީހަކު ނުބެލުމަކީ އާންމުކޮށް ޑޮކްޓަރުންކޮށް އުޅޭ ކަމެއް ނޫނެވެ. މިއީ އެމެރިކާ އަދި އިނގިރޭސިވިލާތްފަދަ ގައުމުތަކުގައި ގާނޫނީ ގޮތުން ހުއްދަ ކަމެއް ނަމަވެސް މި ކަން ކުރުމަށް މަގުބޫލު އުޒުރެއް އޮންނަން ޖެހޭނެ އެވެ.

އައިޖީއެމްއެޗް ގައި ޑައެޓީޝަނެއްގެ ގޮތުގައި މަސައްކަތްކުރާ އާސިޔާ އަބްދުއް ރަހީމް ދޫކޮށްފައިވާ މެމޯއެއް

މި މެމޯގައި އެފަދަ މަގްބޫލު އުޒުރެއް ޖަހާފައެއް ނެތެވެ.. މި މައްސަލާއާ ގުޅިގެން އައިޖީއެމްއެޗް އިން އަދި އާސިޔާގެ ފަރާތުން އެއްވެސް ކޮމެންޓެއް ކޮށްފަ އެއް ނުވެ އެވެ.