މަޝްހޫރު ޚިޔާލީ ކެރެކްޓަރެއް ކަމަށްވާ "ޕެޑިންޓަން ޕެރޫ ބެއާ"އަށް އިނގިރޭސި ވިލާތުގެ ހޯމް އެފެއާޒް މިނިސްޓްރީއިން އެގައުމުގެ ރައްޔިތުކަން ދީފި އެވެ.

ޕެރިންގްޓަން ބެއާގެ ކޯ ޕްރޮޑިއުސަރެއް ކަމަށްވާ ރޮބް ސިލްވާ ބުނީ އެ ފިލްމުގެ ޓީމުން މިނިސްޓްރީގައި އެދުނީ ފިލްމުގެ ބޭނުމަށްޓަކައި ރަމްޒީ ޕާސްޕޯޓެއް ދިނުމަށް ކަމަށެވެ.

އެހެން ނަމަވެސް އޭގެ ބަދަލުގައި އިނގިރޭސި ސަރުކާރުން ވަނީ ޕެޑިންޓަންގެ ރައްޔިތުކަން ކަށަވަރުކޮށްދީ އޭނާއަށް އަސްލު ޕާސްޕޯޓެއް ދީފަ އެވެ.

އެއާއެކު ޕާސްޕޯޓުގެ އޮބްޒަވޭޝަން ސަފްހާގައި "ބެއާ" ނުވަތަ ސާރިދޯޅެއްގެ ގޮތުގައި އޭނާ ވަކިކޮށްފައިވެ އެވެ. މިއީ ހޔާލީ ކެރެކްޓަރަކަށް އިނގިރޭސި ރައްޔިތުކަން ދިން ފުރަތަމަ ފަހަރެވެ.

"އަހަރުމެން ހިއެއް ނުކުރަން ސަރުކާރު އިދާރާއަކުން މިކަހަލަ ސަމާސާ މަޖާ ކަމެއް ކޮށްފާނެ ކަމަކަށް" ރޮބް ދިން އިންޓިވިއުގައި ބުނެފައިވެ އެވެ.

ޕެޑިންޓަން ބެއާއަކީ ފާއިތުވެދިޔަ ބައި ގަރުނު ތެރޭގައި އިނގިރޭސި ވިލާތުގެ ކުދިބޮޑު އެންމެންގެ މަގުބޫލުކަން ހޯދާފައިވާ ހިޔާލީ ކެރެކްޓަރެކެވެ.