ކޭޑްރާމާ ނުވަތަ ކޮރެއަން ސީރީޒްތަކަކީ މިއަދު ދިވެހިންގެ މެދުގައި ވެސް މަގުބޫލު ވަމުން އަންނަ ގިނަ ޒުވާނުން ލޯބިކުރާ ޑްރާމާތަކެކެވެ. އެފަދަ މީހުންނަށް މިއޮތީ އުފާވެރި ހަބަރެކެވެ.

ގިނަގިނައިން ކޭ ޑްރާމާ ބެލުމަކީ އެކަމުގެ ސަބަބުން އިންސާނާގެ ނަފްސާނީ ސިއްހަތަށް ފައިދާކުރާ ކަމެއް ކަމަށް މާހިރުން މިވަނީ ބުނެފަ އެވެ.

އެމެރިކާއަށް ނިސްބަތްވާ ކޮރެއާ ނަސްލުގެ މާހިރެއް ކަމަށްވާ ޖީނީ ޗެންގް ބުނީ ކޭޑްރާމާތަކުގެ ސަބަބުން އަމިއްލަ އިހުސާސްތައް މެނޭޖް ކުރަން ފަސޭހަވާ ކަމަށެވެ. އެގޮތުން އެ ސީރީޒްތަކުގައި ހިނގާ ހާދިސާތަކުން އަމިއްލަ ދިރިއުޅުމުގައި ކަންކަން ހާސިލް ކުރަން ހިތްވަރު ލިބޭ ކަމަށް ވެސް ޖީނީ ބުންޏެވެ.

"ކޭޑްރާމާ ބަލަންވީ ހަމައެކަނި މުނިފޫހި ފިލުވުމުގެ ބޭނުމަކަށް ނޫން. އެއަށްވުރެ މާ މުހިއްމު ބޭނުންތަކެއް އެކަމުގައި ވޭ،" ޖީނީ ބުންޏެވެ.

ޝައުގުވެރި ވާހަކަތަކާއި ކުޅަދާނަ އެކްޓިންގެ އިތުރުން ފެންވަރު ރަނގަޅު ޑައިރެކްޝަންގެ ސަބަބުން ކޭޑްރާމާތައް ވެފައިވަނީ މުޅި ދުނިޔޭގައި ވެސް މަޝްހޫރު އުފެއްދުންތަކަކަށެވެ.