މިދިޔަ ބުރާސްފަތި ދުވަހު އޮތް ބޮލީވުޑްގެ ފިލްމު "އާޒާދު"ގެ ޕްރިމިއާ ހަފްލާގެ ތެރެއިން ގިނަ ބައެއްގެ ލޮލުގައި އަޅައިގަތީ މަޝްހޫރު ތަރި ކާޖޮލްއާއެކު ފެނުނު ޒުވާން އެކްޓަރެކެވެ.

ކާޖޮލްގެ ފިރިމީހާ އަޖޭ ދޭވްގަންގެ ކޮއްކޮ އާމާން ދޭވްގަން ފެނިގެންދާ އެ ފިލްމުގައި ހިމެނޭ އެހެން އެކްޓަރެއް ކަމަށްވާ އެ އެކްޓަރަކީ މީގެ އެތައް އަހަރެއް ކުރިން ކާޖޮލްއާއެކު މަސައްކަތް ކޮށްފައިވާ ޖިބްރާން ޚާން އެވެ.

ޖިބްރާންއަކީ ކާކުކަން ގިނަ ބަޔަކަށް އަދި ނޭނގުނު ނަމަވެސް 2001 ވަނަ އަހަރުގެ ކާމިޔާބު ފިލްމު ކަބީ ޚުޝީ ކަބީ ގަމްގައި އޭނާ ދައްކުވައިދިން ރޯލަކީ އާއްމުން ފާހަގަކުރި ރޯލެކެވެ.

https://www.instagram.com/reel/DE5MNAJz2n5/?utm_source=ig_embed&ig_rid=5abd8827-c4f8-4b82-b361-2dc862725f72

އެ ފިލްމުގައި ޖިބްރާން ކުޅެފައިވަނީ ޝާހްރުކް ޚާންއާއި ކާޖޮލްގެ ދަރިފުޅު "ކްރިޝް"ގެ ރޯލެވެ. އޭރު އޭނާގެ އުމުރުން ވާނީ ގާތްގަނޑަކަށް 10 އަހަރެވެ.

އޭގެ 23 އަހަރު ފަހުން ކާޖޮލްއާއި ޖިބްރާން އަލުން މިވަނީ ބައްދަލުވެފަ އެވެ. "އާޒާދު"ގެ ޕްރިމިއާގެ ތެރެއިން ޖިބްރާންއަށް ކާޖޮލް ފެނުމުން އޭނާ ވަނީ ދުވެފައި ކަހަލަ ގޮތަކަށް ގޮސް ކާޖޮލްގެ ގައިގައި ބައްދާލާފަ އެވެ.

މި މަންޒަރު ފެންނަ ވީޑިއޯއެއް ސޯޝަލް މީޑިއާގައި މިހާރު ދައުުރުވަމުން ދާއިރު ގިނަ ބަޔަކު އަންނަނީ ޖިބްރާންގެ ފަރާތުން ފެނުނު ހިތްހެޔޮ ކަމަށް ތައުރީފް ކުރަމުންނެވެ.