ކޮކާ ކޯލާއާއި ޕެޕްސާއަކީ އެންމެ ކުރީއްސުރެ ވެސް ވާދަވެރިކަން ބޮޑު ދެ ބްރޭންޑެވެ. އެ ދެ ބްރޭންޑަށް ލޯބިކުރާ މީހުންގެ މެދުގައި ވެސް އޮންނަނީ ނިމުމެއް ނެތް ބަހުސެކެވެ.

މި ވާދަވެރިކަމުގެ ތެރެއިން އެ ދެ ބްރޭންޑުން ވެސް ވަނީ އަނެއް ބްރޭންޑްއަށް ވުރެ ގަދަކަން ދައްކަން އެތައް ގޮތަކުން މަސައްކަތްކޮށްފަ އެވެ.

އެގޮތުގެ މަތިން 2001 ވަނަ އަހަރު ޕެޕްސީއިން ރިލީޒްކުރި އިސްތިހާރެއް ފާހަގަކޮށްލަން ޖެހެ އެވެ. އެ އިސްތިހާރުގެ ޒަރިއްޔާއިން ޕެޕްސީއިން ވަނީ ކޮކާކޯލާ ދަށް ކޮށްލާފަ އެވެ.

އެ އިސްތިހާރަކީ އެ އަހަރު ކޮކާކޯލާގެ ވިޔަފާރި ޕެޕްސީއަށް ވުރެ ހަތަރު ގުނަ އިތުރު ކަމަށް ކޮކާކޯލާއިން އިއުލާން ކުރުމުން ޕެޕްސީއިން އޭގެ ރައްދުގައި ނެރުނު އިސްތިހާރެކެވެ.

https://www.youtube.com/watch?v=7wX5awpgcHA

އެ އިސްތިހާރުން ފެންނަނީ ކުޑަ ކުއްޖަކު ވެންޑިން މެޝިންއަކުން ބުއިމެއް ގަންނަ މަންޒަރެވެ. އެންމެ ފުރަތަމަ ދެ ފަހަރު ވެސް އޭނާ ގަތީ ކޮކާކޯލާ ދަޅެވެ.

ދެން ފެންނަނީ އެ ދަޅު ބިންމަތީގައި ބެހެއްޓުމަށްފަހު ދެފައިން އޭގެ މައްޗަށް އަރައި ކުރިން އަތް ނުފޯރައިގެން އުޅުނު ޕެޕްސީގެ ފިތަށް ފިއްތާލާ މަންޒަރެވެ.

މި މުޅި އިސްތިހާރުން ދައްކައިދޭން ބޭނުންވި ކަމަކީ ކޮކާކޯލާއަށް ވުރެ ޕެޕްސީ މޮޅުކަން ކަމަށްވިޔަލޯސް އޭގެ އަނެއްކޮޅު ވެސް ގިނަ ބަޔަކު ފާހަގަކުރި އެވެ. އެގޮތުން ޕެޕްސީއަށް ލޯބިކުރާ މީހުން ވެސް އެ ޕެޕްސީއަށް ވުރެ ގިނައިން ކޮކާކޯލާ ގަންނަކަން ވެސް އެ އިސްތިހާރުން އެނގޭ ކަމަށް ބައެއް މީހުން ބުންޏެވެ.

ކޮންމެއަކަސް ކޮކާކޯލާއާއި ޕެޕްސީގެ ވާދަވެރިކަމަކީ އަހަރުތަކުގެ ތެރެއިން މިއަދާ ހަމައަށް ވެސް ބަދަލުވުމެއް ނެތި އައިސްފައިވާ ވާދަވެރި ކަމެކެވެ.