އުމުރުން 25 އަހަރުން ދަށުގެ ޖީލަށްކަމަށް ދުންފަތް މަނާކުރުމަށް ވިސްނަވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ޤައުމުގައި ހުރި ކަންކަމާ ގުޅޭގޮތުން މައުލޫމާތު ހިއްސާކުރެއްވުމަށް ގެނެސްދޭ "ރައްޔިތުންނާ އެކު" ޕޮޑްކާސްޓުގައި ވާހަކަފުޅުދައްކަވަމުން އެމަނިކުފާނު ވަނީ ރާއްޖޭގައި ދުންފަތުގެ އިސްތިއުމާލުކުރުން ހުއްޓުވުމަަށް ބޭނުންފުޅުވާ ކަމަށް ވިދާޅުވެފަ އެވެ. މިގޮތުން 25 އަހަރުން ދަށުގެ މީހުންނަށް ދުންފަތް މަނާކުރުމަށް ވިސްނަވާ ކަމަށް ވެސް ރައީސް ވިދާޅުވި އެވެ.
ރައީސް ވިދާޅުވީ، ދުންފަތުގެ ނުރަނގަޅު އާދައިގެ ތެރެއަށް ދިވެހި ޅަދަރިން ދޫކޮށްލައިގެން ނުވާނެ ކަމަށާއި، މިކަން ހައްލުކުރުމަށްޓަކައި އެކަން އާދައަކަށް ނުވަނީސް ހުއްޓުވަން ޖެހޭނެކަމަށެވެ. އެގޮތުން 2000، 2004 ނުވަތަ 2007 ވަނަ އަހަރުން ފެށިގެން އުފަންވާ ކުދިންނަށް ދުންފަތް މަނާކުރުމަށް ވިސްނާ ކަމަށް އެމަނިކުފާނު ހާމަކުރެއްވި އެވެ.
"18 އަހަރާއި 25 އަހަރާ ދޭތެރޭގައި އަދި އެއީ އެހާ ގިނަ ދުވަހެއް ނޫން. ކުދިން ނުވަތަ ޒުވާނުން އެކަމުގެ ތެރޭގައި އުޅޭތާ. އެކުދިން އެވަބާއިން ސަލާމަތް ކުރަން ފަސޭހަވާނެއޭ 30, 40 އަހަރުވެފައިވާ މީހުން އެކަމުން ސަލާމަތްކުރަން ބޭން ކުރުމަށް ވުރެ،" ރައީސް ވިދާޅުވ އެވެ.
ރައީސް ވަނީ އެހެނިހެން އުމުރުފުރާތަކުގެ މީހުން ވެސް އެ އާދަ ދޫކޮށްލުމަށް ލަފާދެއްވާފަ އެވެ. އަދި ރާއްޖެއަށް ދުންފަތުގެ ބާވަތްތައް އެތެރެކުރުމުގެ ވިޔަފާރި ކުރާ ފަރާތްތަކަށް ވެސް އެކަން ކުރުން ހުއްޓާލުމަށް އިލްތިމާސް ކުރައްވާފައިވެ އެވެ.
ރައްޔިތުންގެ ސިއްހަތަކީ ސިޔާސީ ކުރަންޖެހޭނެ ކަމެއް ނޫން ކަމަށް ވެސް ރައީސް ވިދާޅުވެފައިވެ އެވެ.
މިއީ ދެކޮޅު ޖެހޭ ވާހަކަދައްކާ މީހެއް ނޫން.
ރިޕްލައި