މީހެއްގެ ސޮއިން އެ މީހެއްގެ ޝަޚްސިއްޔަތާއި އަހުލާގީ ސިފަތައް ދޭހަވެދާނެ ކަމަށް ބައެއް ފަރާތްތަކުން ދެކެ އެވެ.

ސޮއި ދިރާސާކުރާ ބައެއް ސައިކޮލޮޖިސްޓުން ދެކޭގޮތުގައި، ސޮއިގެ ބޮޑުމިނާއި، ސޮއިކުރެވިފައިވާ ގޮތާއި، ސޮއިގެ ސާފުކަމުން އެ މީހެއްގެ އަމިއްލަ ނަފްސަށް އޮންނަ އިތުބާރާއި، އުންމީދުތަކާއި އެހެން މީހުންނާ ގުޅުން ބަހައްޓާ މިންވަރު އެނގިދާނެ އެވެ.

މިގޮތުން ބޮޑު ސޮޔަކީ އަމިއްލަ ނަފްސަށް އިތުބާރު ކުރާ މީހުންގެ ސިފައެއް ކަމަށާއި، ކުޑަ ސޮޔަކީ މަޑުމައިތިރި މީހުންގެ ސިފައެއް ކަމަށް ބެލެވެ އެވެ. އަދި މައްޗަށް ލެނބިފައިވާ ސޮޔަކީ އުންމީދީ މީހުންގެ ސިފައެއް ކަމަށާއި، ތިރިއަށް ލެނބިފައިވާ ސޮޔަކީ ފަރުވާތެރި މީހުންގެ ސިފައެއް ކަމަށްވެސް ސައިކޮލޮޖިސްޓުން ބުނެފައިވެ އެވެ.

ނަމަވެސް މިއީ ސައިންސްގެ ގޮތުން ސާބިތުވެފައިވާ ކަމެއް ނޫން ކަމަށް ފާހަގަކުރެވެ އެވެ. އަދި ސޮއިގެ ސިފަތައް ބަދަލުވަމުން ދާނެ ކަމަށާއި، ސޮއިގެ ސިފަތަކަށް ސަގާފަތުގެ އަސަރު ކުރާނެ ކަމަށްވެސް ބެލެވެ އެވެ.

ސޮއި ދިރާސާކުރުމުގެ ދާއިރާއަކީ އަދިވެސް ދިރާސާކުރެވެމުންދާ ދާއިރާއެއް ކަމަށާއި، މި ދާއިރާއިން އިތުރު ދިރާސާތައް ކުރަން ޖެހޭ ކަމަށް ބެލެވެ އެވެ.