ހުޅުމާލޭ ގައި ދުއްވާފައި ދިޔަ ކާރެއްގައި ރޯވެއްޖެ އެވެ.

އެމްއެންޑީއެފުން ބުނީ، އަމިން އެވެނިއު ކައިރިން ދުއްވާފައިދިޔަ ކާރެއްގައި ރޯވި ކަމުގެ މައުލޫމާތު ރޭ 10:48 ހާއިރު ލިބުނު ކަމަށެވެ. ހުޅުމާލޭ ފަޔާ ސްޓޭޝަނުގެ ފަޔާފައިޓަރުން އެ ސަރަހައްދަށް ގޮސް ވަނީ އަލިފާން ނިއްވާލާފަ އެވެ.

ފަޔާފައިޓަރުން ކުރި މަސައްކަތުން އަލިފާންގަނޑު ނިއްވާލެވުނީ ރޭ 11:18 ހާއިރު ކަމަށް އެމްއެންޑީއެފުން ބުންޏެވެ.

އެ ހާދިސާގައި އެއްވެސް މީހަކަށް އަނިޔާއެއް ނުވެ އެވެ.

އެ ކާރުގައި ރޯވާން ދިމާވި ސަބަބެއް އަދި ނޭގެ އެވެ.