ކޮވިޑް ވެކްސިން ޖެހުމުން ލޭގަނޑުވެގެން ޒުވާނަކު މަރުވެއްޖެ އެވެ.

"ހުރިހާ" އަށް އެނގިފައިވާ ގޮތުގައި ވެކްސިން ޖެހުމުން ސިކުނޑީގެ ނާރެއްގައި ލޭގަނޑުވެގެން މަރުވީ ޒުވާން އަންހެން ކުއްޖާ އަންހެން ކުއްޖެކެވެ.

މިކަމާ ބެހޭ ގޮތުން މީހަކު ކޮށްފައިވާ ޓްވީޓެއްގައި ބުނެފައި ވަނީ ކޮވިޑް ވެކްސިން ޖެހުމުގެ ލޭ ގަނޑުވުމުގެ މައްސަލަތަކެއް ފާހަގަ ކުރެވިފައިވާ ކަމަށެވެ. އަދި މިކަމުގައި ތިން މީހަކު މަރުވެފައިވާ ކަމަށް ވެސް އެ ޓްވީޓްގައި ބުނެފައިވެ އެވެ.

ނަމަވެސް އެއީ ކޮވިޑްގެ ކޮން ވެކްސިނެއް ކަމެއް ބުނެފައެއް ނުވެ އެވެ. ރާއްޖޭގައި މިހާތަނަށް ކޮވިޑް ވެކްސިން ޖެހުމުން ލޭގަނޑުވެގެން މީހަކު މަރުވި ކަމެއް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފައެއް ނުވެ އެވެ. ނަމަވެސް އެސްޓްރާ ޒެނެކާ ކޮވިޝިލްޑް ވެކްސިން ޖެހިފަހުން ތިން މީހަކު މަރުވުމުން އެ މައްސަލަ ބަލަމުންދާ ކަމަށް ބުނި ނަމަވެސް ފަހުން އެ ވާހަކަ އެޗްޕީއޭ އިން ދައްކާފައެއް ނުވެ އެވެ. އަދި އެ މީހުން މަރުވީ އެ ވެކްސިނާ ގުޅިގެން ކަމަށް މިއަދާ ހަމަޔަށް ވެސް ނުބުނެ އެވެ.

ދުނިޔޭގެ ބައެއް ގައުމުތަކުގައި އެސްޓްރާ ޒެނެކާ ވެކްސިން ޖެހުމުން ލޭގަނޑުވުމުގެ މައްސަލަ ދިމާވެގެން އެތައް ބަޔަކު މަރުވެފައިވެ އެވެ. އަދި ބައެއް ގައުމުތަކުގައި އެ ވެކްސިން ޖެހުން ވަގުތީ ގޮތުން ހުއްޓާލާފައިވެ އެވެ.

އެ ޓުވީޓްގައި އެޗްޕީއޭ އަދި އައިޖީއެމްއެޗްގެ ޑޮކްޓަރު ޑރ. މުހައްމަދު އަލީއަށް ޓެގް ކޮށްފައިވެ އެވެ. އެއާއެކު އޭނާ ކޮށްފައިވާ ސުވާލުތަކަށް ޖަވާބު ދެއްވަމުން ޑރ. މުހައްމަދު ވިދާޅުވީ އެ މައްސަލަތައް ދިރާސާ ކުރަމުން އަންނަ ކަމަށާއި އެކަހަލަ ކަމެއް ހިނގާފައިވާ ނަމަ ރައްޔިތުންނަށް ސިއްރުނުކޮށް މައުލޫމާތު ހާމަކުރައްވާނެ ކަމަށެވެ.

ނަމަވެސް މިކަމާ ބެހޭ ގޮތުން މިހާތަނަށް އެޗްޕީއޭ އިން އެއްވެސް އެއްޗެއް ނުބުނެ އެވެ.

ރާއްޖޭގައި ޖަހަނީ ކޮވިޝީލްޑް ވެކްސިން އާއި ސިނަފޯމް ވެކްސިންގެ އިތުރުން ފައިޒާ ވެކްސިން ނެވެ.

މިމަހު ރާއްޖެއިން ކޮވިޑް ޖެހިގެން 103 މީހަކު މަރުވެފައިވާއިރު މިކަހަލަ ސައިޓް އެފެކްޓްސް ސަބަބުން މަރުވި ކަމަށް އެޗްޕީއޭއިން ހާމަކޮށްފައެއް ނުވެ އެވެ.