މިފަހަރު މިއޮތީ އަހަރުމެން ދިވެހިންގެ ރަހަތަކާ ވަރަށް ގުޅޭނގ ކެއުމެކެވެ. ފަހު ރޯދަ ދުވަހުގެ ސުފުރާއަށް މިއީ ކަމުދާނެ ކެއުމެކެވެ.

ބޭނުންވާ ތަކެތި

  • 300 ގ މެކްރޯނީ ޕާސްތާ
  • 40 ގ ބަޓަރު
  • 2 މޭޒުމަތީ ސަމުސާ ގޮދަން ފުށް
  • 2 ޖޯޑު ލޯފެޓް ކިރު
  • 3/4 ޖޯޑު ޕިއްޒާ ޗީޒް
  • 1 ދަޅު މަސް (ފެނުގައި)

ތައްޔާރުކުރާނެ ގޮތް

  1. އަވަން 220 ޑިގްރީ ސެލްސިއަސް އަށް ޕްރީހީޓް ކުރާށެވެ. ފުން ޓްރޭއެއްގައި ބަޓަރު ހާކާށެވެ. އަދި މެކްރޯނީ ޕަކެޓުގައިވާ އިރުޝާދުގެ މަތިން ކެއްކުމަށްފަހު ޕާސްތާ ފެނުގެ 1/4 ޖޯޑު ފެެން ނަގާށެވެ.
  2. ތަވައެއްގައި ބަޓަރު ވިރުވުމަށްފަހު ގޮދަންފުށް އަޅާ ކައްކާށެވެ. ބޮކިޖަހާ ކެކެންފެށުމުން އުނދުންމަތިން ބާލާށެވެ. ކިރު އެޅުމަށްފަހު ގަނޑު ނުވާނެހެން އެއްފުރާށެވެ. ތަވާ އަލުން އުނދުން މައްޗަށް އުދުމަށްފަހު 4 ސޯސްގަނޑު އޮލަ ވަންދެން ކައްކާށެވެ. އުނދުނުން ބޭލުމަށްފަހު ޗީޒްކޮޅު އެއްކޮށްލާށެވެ. އަދި އަސޭމިރުސް އެޅުމަށްފަހު ރަހަ ހެޔޮވަރު ކުރާށެވެ.
  3. މަޑު ކުރި ޕާސްތާ، މަސްދަޅު އަދި ޕާސްތާ ފެންފޮދު ޓްރޭއަށް އެޅުމަށްފަހު ސޯސްގަނޑު މަޑުމަޑުން ޓްރޭއަށް އަޅާށެވެ. އަދި އިތުރު ޗީޒް ކޮޅެއް މައްޗަށް ބުރުވާލާށެވެ. ޗީޒްކޮޅު ވިރި ރަންކުލަ އަރަންދެން އަވަނުގައި ފިހެލާށެވެ. ގާތްގަނޑަކަށް 15 މިނެޓު ވާނެ އެވެ.