މިފަހަރު ދިވެހިންނަށް އަނބު މޫސުމާއެކު ތަފާތު އަނބެއް ރަހަ ބަލާމުގެ ފުރުސަތު ވަނީ ލިބިގެން ގޮސްފަ އެވެ. އެއީ "ތެޅި އަނބު" އެވެ. މުޅި ސޯޝަލް މީޑިއާގައި "ތެޅި އަނބު"ގެ ވާހަކަ ނުދައްކާ މީހަކު ނެތެވެ. އަދި ސޯޝަލް މީޑިއާގެ އެކި ޕްލެޓް ފޯމްތަކުން ފެނިގެންދަނީ ވެސް "ތެޅި އަނބު"ގެ ވީޑިއޯ އެވެ.

ހުތް އަނބު ބޭނުންކޮށްގެން ތައްޔާރުކުރާ ތެޅި އަނބަކީ މިހާރު ދިވެހިން މެދުގައި މަގުބޫލު މަޖާއެކެވެ. މިއީ ދިވެހީން މީގެ ކުރީން ހުތް އަނބު މަޖާ ހެދުމަށް ގެނަވުމު ކުޑަވަރެއްގެ ބަދަލެކަށްވެދާނެ އެވެ.

ހުތް އަނބު މަޖާ މީގެ ކުރިން ވެސް ދިވެހި ހަދައިގެން ކައި އުޅުނެވެ. އެއްބަޔަކު ނޫޑްލްސް ސޫޕް ޕެކެޓާއި ރިހާކުރާއެކު ހުތް އަނބު ކައި އެވެ. އަދި އަނބާއި ކިހާވަކާއި ފަޅޯ އެއްކޮށްގެން މޮޑެގެން ވެސް ކައި އުޅުނެވެ.

މިހާރު މިއޮތީ ހުތް އަނބު ކާ އެހެން ގޮތެއް ވައިގައި ހިފައިފަ އެވެ.

https://www.instagram.com/p/C6Qt6Idx03i/

އަނބުގައި ދިގަށްވާ ގޮތަށް ޅިޔަތަކެއް އަޅަ އެވެ. އެއަށްފަހު ކުޑަ ހަވާދުކޮޅެއް ނުވަތަ ނޫޑުލްސް ޕެކެޓްގައި ހުންނަ ސޫޕް އުރައިގެ އެތިކޮޅެއް ނުވަތަ އެނޫންވެސް އެފަދަ އެއްޗެއް އަނބުގައި އުނގުޅާލަ އެވެ. އެޅި ޅިޔަތަކުގެ ތެރެއަށް ރަނގަޅަށް ވައްދާލާ ހާކާލަ އެވެ. މިގޮތަށް އަނބު ތައްޔާރު ކުރުމަށްފަހު، ސާފު ފޮތިގަނޑެއްގެ ތެރެއަށް ނުވަތަ ކޮތަޅެއްގެ ތެރެއަށް އެ އަނބު، ނުވަތަ އަނބުތައް އަޅާ ރަނގަޅަށް ބަންދުކޮށްލަ އެވެ. އެހިސާބުން ތެޅި އަނބުގެ ތެޅުންގަނޑު ފެށެ އެވެ.

https://www.tiktok.com/@nasha.abdulla/video/7370051614276619538

އެކި މީހުން އަނބު ތަޅަނީ އެކި ގޮތަށެވެ. އެއްބަޔަކު އެ ފޮތިގަނޑުގައި މުގުރެއް ކަހަލަ އެއްޗަކުން ތަޅާ ހަދަ އެވެ. އަނެއް ބަޔަކު އެ ފޮތިގަނޑު ނަގާ ގެންގޮސް ކޮންމެވެސް ހަރު ތަނަކު، ތަޅަ އެވެ. އަނބުތައް ޗިސްޗިސް ވަންދެން ތަޅަންވީ އެވެ. ޗިސްވުމުން ކޮތަޅުން ނަގައިން ހަމަ ކާންވީ އެވެ. މިހިސާބުން މިއޮތީ ތެޅިއަނބު ހަދާ ނިމިފަ އެވެ

."ތެޅިއަނބު" ރާއްޖެއަށް މަޝްހޫރުވުމުގެ ކުރިން މިއީ އަވައްޓެރި ގައުމުތަކުގައި ކުރަމުން އައި ކަމެކެވެ. އެގޮތުން އަވައްޓެރި އިންޑިއާ އާއި އިންޑޮނޭޝިއާ ތައިލޭންޑް، ސްރީލަންކާ ގައި "ތެޅި އަނބު" ކައި އުޅެ އެވެ.

https://www.tiktok.com/@trustickitchen/video/7370041323790847239?embed_source=121374463%2C121433650%2C121404359%2C121351166%2C121331973%2C120811592%2C120810756%3Bnull%3Bembed_blank&refer=embed&referer_url=mihaaru.com%2Flifestyle%2F134033&referer_video_id=7370041323790847239

"ތެޅި އަނބު"ގެ އިތުރުން އެހެން މޭވާތައް ވެސް ތަޅައިގެން ކާ ވީޑިއޯތައް އަންނަނީ ދައުރުވަމުންނެވެ. އެއިރެއްގެ އޮންނަ ޓްރެންޑަކާ އެއްކޮށް ދިވެހިންގެ ބައެއް ކަންކަން ބަދަލުވެގެން އަންނަތައް ފެނިގެންދެ އެވެ.

މިފަހަރު މިއޮތީ ތެޅި އަނބެވެ. ބައެއް މީހުންނަށް "ތެޅި އަނބާ" އެކު ބައެއް މީހުންނަށް ވަނީ ބޮލަށް ތުރާވެފަ އެވެ.