ރީޖަނަލް އެއާޕޯޓްސް ކޮމްޕެނީ (އާރްއޭސީއެލް)ގެ މެނޭޖިން ޑިރެކްޓަރު އަހުމަދު މުބީން އާއި ބޯޑް މެންބަރުން އޮފީހުގައި ތާސްކުޅެ ކަރޯކޭ ޖައްސާ ފޮޓޯ އާއި ވީޑިއޯ ތަކާއި އެކު އާއްމުންގެ ފާޑުކިޔުން އަމާޒުވެއްޖެ އެވެ.

ސޯޝަލް މީޑިއާގައި މިހާރު ދައުރުވަމުންދާ ބައެއް ފޮޓޯ ތަކުން ފެންނަ ގޮތުން އާރްއޭސީއެލްގެ މެނޭޖިން ޑިރެކްޓަރު މުބީން އާއި އިސްވެރިން ބައްދަލުވުން ބާއްވާ މޭޒު ކައިރީގައި ތިއްބަވައިގެން ތާސްކުޅުއްވަން ތިއްބެވިއިރު ފަހަތުން ސްކޯ ބޯޑުވެސް ފެންނަން ހުރެ އެވެ.

މީގެ އިތުރުން އާއްމުވެފައިވާ ވީޑިއޯއެއްގައި އެބޭފުޅުން ކަރޯކޭ ޖައްސަވައި ލަވަ ކިޔުއްވާ މަންޒަރުވެސް ފެނިގެން ގޮސްފައިވެ އެވެ.

އާރްއޭސީއެލްގެ ވެެރިން ތާސްކުޅުއްވަނީ

މިކަމާއި ގުޅިގެން ފާޑުކިޔުން އަމާޒުވެފައިވާ އިރު، އާރްއޭސީއެލްގެ އޮފިޝަލަކު ބުނެފައިވަނީ އެ ފޮޓޯ ތަކަކީ ކުންފުނީގެ އަހަރީ ދުވަސް ފާހަގަކުރުމަށް ގެންދިޔަ ހަރަކާތްތަކެއްގެ ފޮޓޯ ކަމަށެވެ.

އާރްސީއެލްއިން ތާސްކުޅެފައިވަނީ އަހަރީ ދުވަސް ފާހަގަކުރަން ކަމަށް ވަނީ ބުނެފައި

ފާހަގަކޮށްލެވޭ ގޮތުގައި އެ ކުންފުނީގެ މެނޭޖިން ޑިރެކްޓަރުގެ މަގާމުގައި ހުންނެވި، އަހުމަދު މުބީން އެ މަގާމަށް ވަޑިގެންނެވިފަހުން ވަރަށް ގިނައިން ރާއްޖެ އިން ބޭރަށް ދަތުރުތައް ކުރައްވާފައިވެ އެވެ. މުއްސަނދި ދިރިއުޅުމެއް އުޅުއްވަމުން ގެންދަވާ މުބީން އަންހެން ކުދިން ގޮވައިގެން ރިސޯޓްތަކުގައި ޗުއްޓީ ހޭދަކުރައްވާ ފޮޓޯތަކެއް ވެސް ވަނީ ދާދިފަހުން އާންމުވެފަ އެވެ.

އާރްއޭސީއެލް އަކީ ޖެނުއަރީ 11، 2021 ގައި ރައީސުލްޖުމްހޫރިއްޔާގެ ގަރާރަކުން އުފައްދާފައިވާ 100 ޕަސެންޓް ސަރުކާރު ހިއްސާވާ ކުންފުންޏެކެވެ.