ސަރުކާރުގެ މަސް ކުންފުނި، މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ)އިން މަސްވެރިންގެ އަތުން ކަޅުބިލަމަސް ގަންނަ އަގު މިއަދުން ފެށިގެން ކިލޯއެއް 22 ރުފިޔާއަށް ބޮޑުކޮށްފި އެވެ.

މިއީ މަސް ކިލޯއެއްގެ އަގު 21 ރުފިޔާގައި ހުންނަތާ ގިނަ ދުވަސްތަކަކަށް ފަހު އެ ކުންފުނިން ގެނައި ބަދަލެކެވެ.

މިފްކޯގެ މީޑިއާ އޮފިޝަލް ވިދާޅުވީ އަގަށް މި ބަދަލު ގެނައީ މިވަގުތު މަސްވެރިކަން ހުރި ގޮތާއި، ބައިނަލްއަގުވާމީ އަދި އެތެރޭގެ މާރުކޭޓުގައި މަހުގެ އަގުތަކާއި ޑިމާންޑާއި ސަޕްލައި އޮތް މިންވަރަށް ރިއާޔަތްކުރުމަށްފަހު ކަމަށެވެ. އަދި މިއީ މަސްވެރިންނަށް އިންސާފުވެރި ބަދަލަކާއި ދެމެހެއްޓެނިވި ދިރިއުޅުމެއް ހޯދައިދިނުމަށް ސަރުކާރުން ވަމުންދާ ވައުދުތަކާ ގުޅޭ ބަދަލެއް ކަމަށް ވެސް އޮފިޝަލް ފާހަގަކުރެއްވި އެވެ.

މިފްކޯގެ ހުރިހާ ބަނދަރުތަކެއްގައިވެސް މިއަދުން ފެށިގެން މަސް ގަންނާނީ އެއް އަގުތަކެއްގަ އެވެ. އެގޮތުން ކަޅުބިލަމަސް ކިލޯއެއް 22 ރުފިޔާއަށް ގަންނައިރު، 10 އާއި 15 ކިލޯއާ ދެމެދުގެ ބޮޑުކަންނެލި ކިލޯއެއް ގަންނަނީ 20 ރުފިޔާއަށެވެ. އަދި 15 ކިލޯއިން މަތީގެ ބޮޑުކަންނެލި ކިލޯއެއް ގަންނަނީ 25 ރުފިޔާގެ މަގުންނެވެ.

މި ލިޔުމާ ގުޅޭ އިތުރު ލިޔުން
Hatharu mastherey masverinah 14.5 million Rufiya ge loan dhookoffi ހަތަރު މަސްތެރޭގެ މަސްވެރިންނަށް 14.5 މިލިއަން ރުފިޔާގެ ލޯނު
Masverikan dhavve August mahu mas kiri minvaru madhu vejje މަސްވެރިކަން ދަށްވެ، އޮގަސްޓް މަހު މަސްކިރި މިންވަރު މަދުވެއްޖެ
Masverikan varah bodah dhahvumah fahu, mihaaru ananee rangalhu vamun: Mifco މަސްވެރިކަން މިހާރު އަންނަނީ ރަނގަޅުވަމުން: މިފްކޯ