ބޮލީވުޑްގައި ކާމިޔާބު ފިލްމުތަކެއް ކުޅެފައިވާ އަޔޫޝްމާން ކުރާނާ އަދި ވަނީ ކަޕޫރު ލީޑް ރޯލުން ފެނިގެންދާ "ޗަންޑީގަޅް ކަރޭ އާޝިގީ" އަންނަ ޑިސެމްބަރު މަހު ސިނަމާތަކުގައި ރިލީޒް ކުރުމަށް ނިންމައިފި އެވެ.

ޓީ ސީރީޒާއި "ގައި އިން ދަ ސްކައި ޕިކްޗަރސް" އިން ޕްރޮޑިއުސްކޮށް ގެނެސްދޭ މިރޮމޭންޓިން ފިލްމު ނެރުމަށް ހަމަޖެހިފައި ވަނީ އަންނަ ޑިސެމްބަރު މަހުގެ ދިހަ ވަނަ ދުވަހު އެވެ.

މިއީ "ރޮކް އޮން" އާއި "ކައިޕޯޗް" އަދި "ކެދަރްނާތު" ފަދަ ފިލްމުތައް ގެނެސްދިން އަބީޝެކް ކަޕޫރު ޑައިރެކްޓް ކޮށްފައިވާ ފިލްމެކެވެ.

https://www.instagram.com/p/CUSzpAToBld/

މި ފިލްމުގައި އަޔޫޝްމާން އާއި ވާނީގެ އިތުރުން މުހިންމު ރޯލަކުން އަބީޝެކް ބަޖާޖް ވެސް ފެނިގެންދާނެ އެވެ.

އަޔޫޝްމާން ކުރާނާއަކީ އޭ ގްރޭޑް އެކްޓަރެއް ކަމަށް ނުބެލެވުނު ނަމަވެސް ކާމިޔާބު އެކްޓަރެކެވެ.

https://www.instagram.com/p/CUSz1NJo7LV/

މިހާތަނަށް ނުކުތް ފިލްމުތަކަކީ ކާމިޔާބު ފިލްމުތަކެކެވެ. އެގޮތުން ފާހަގަ ކޮށްލެވޭ ފިލްމުތަކުގެ ތެރޭގައި "ބަރޭލީ ކީ ބަރްފީ"، "ދަމް ލަގާ ކޭ ހައިޝާ"، "ޝުބް މަންގަލް ސާވްދާން"، "ބަދާއި ހޯ"، "އަންދާދުން"، "އާޓީކަލް 15" އަދި "ޑްރީމް ގާލް" ހިމެނެ އެވެ. މި ފިލްމުތަކުގެ ތެރެއިން "އަންދާދުން" ކުޅެގެން ބެސްޓް އެކްޓަރުގެ ނެޝަނަލް އެވޯޑު އަޔުޝްމާނަށް ވަނީ ލިބިފަ އެވެ.