ރައީސް ޑރ. މުހައްމަދު މުއިއްޒު ޖުމްހޫރީ ޕާޓީގެ ލީޑަރު ގާސިމް އިބްރާހިމް އާއި އެމްއެންޕީގެ ރައީސް މުހައްމަދު ނާޒިމް އަދި ދަ ޑިމޮކްރެޓްސް ރައީސް ހަސަން ލަތީފާ ބައްދަލުކުރައްވައިފި އެވެ.

ރައީސް އޮފީހުގައި މި ބައްދަލުވުން ކުރިޔަށް ގެންދިޔައީ ވަކިވަކިންނެވެ.

މިބައްދަލުކުރެއްވުންތަކާ ގުޅޭ އެއްވެސް މައުލޫމާތެއް އެއްވެސް ފަރާތަކުން އަދި ހާމައެއް ނުކުރެ އެވެ.

ބައެއް ސިޔާސީ ޕާޓީތަކުގެ ވެރިންނާއި ރައީސް މުއިއްޒު ބައްދަލުކުރެއްވީ ވަޒީރުންގެ މަޖިލީހުގެ މެންބަރުންނަށް ރުހުން ދިނުމުގެ މައްސަލަ މަޖިލީހަށް ހުށަހެޅި ވޯޓަށް އެހުމަށް ތައްޔާރުވެފައި ވަނިކޮށެވެ.