ރައީސް ޑރ. މުހައްމަދު މުއިއްޒުގެ މައްޗަށް ތުހުމަތުތަކެއްކޮށް އަދަދު ނޫހުން އާންމުކުރި "އައިޝާ" ޑޮކިއުމެންޓްރީގައި އިންޓަވިއު ދިން ކަމަށް ތުހުމަތު ކުރާ އައިޝަތު އީޝާ އަޝްރަފްގެ މައްޗަށް ދައުލަތުން އުފުލާފައިވާ ގަޒުފުކުރުމުގެ ދައުވާގެ ޝަރީއަތް ކްރިމިނަލް ކޯޓުން މިއަދު ފަށައިފި އެވެ.

މިއަދު ހެނދުނު 10:00 ގައި ފެށި މި މައްސަލައިގެ އިބްތިދާއީ އަޑުއެހުން ކޯޓުން ސިއްރުކޮށްފައި ވާތީ، މީޑިއާތަކަށް އެ އަޑުއެހުމަށް ވަނުމުގެ ފުރުސަތެއް ނުލިބެ އެވެ. މި މައްސަލަ ބައްލަވަނީ ގާޒީ އިބްރާހީމް ޒިހުނީ އެވެ.

އިބްތިދާ އަޑުއެހުމަށް ވަކީލަކާއެކު އީޝާ ކޯޓަށް ހާޒިރުވި އެވެ. އަދި ދައުވާގެ ލިޔުންތައް އީޝާއާ ހަވާލުކޮށްފައިވެ އެވެ.

ކްރިމިނަލް ކޯޓުގައި މިއަދު އޮތް އަޑުއެހުމުގައި ދައުލަތުން ވަނީ ސިއްރު ތިން ހެކި ތިބި ކަމަށް ހުށަހަޅައިފަ އެވެ. ނަމަވެސް ގާޒީ ނިންމެވީ ސިއްރު ހެކި ބަލައިނުގަތުމަށެވެ.

މި މައްސަލައިގެ އަޑުއެހުމެއް މިމަހުގެ 21 ވަނަ ދުވަހު ބޭއްވުމަށް ތާވަލުކުރުމަށް ފަހު މިއަދު އަޑުއެހުން ގާޒީ ވަނީ ނިންމާލައިފަ އެވެ.

އަދަދު ނޫހުގެ މި ޑޮކިއުމެންޓްރީއާ ގުޅިގެން އެ ނޫހުގެ ސީއީއޯ ހުސެއިން ފިޔާޒު މޫސާ އާއި އެޑިޓަރު ހަސަން މުހައްމަދުގެ މައްޗަށް ވެސް ގަޒުފުކުރުމުގެ ދައުވާ އުފުލާފައިވާއިރު، މަސްދަރު ހިމާޔަތް ކުރުމަށް ތަހުގީގުގައި ހަނު ތިބި އެ ދެ ނޫސްވެރިންގެ ޝަރީއަތް ވެސް ކުރިއަށް ގެންދަނީ ސިއްރުންނެވެ.

މި ލިޔުމާ ގުޅޭ އިތުރު ލިޔުން
Eesha ge machah gazuf ge dhauvaa koffi އީޝާގެ މައްޗަށް ގަޒުފްގެ ދައުވާކޮށްފި
Eesha ge varugadha message eh: Vaguthu jehumun hurihaa kameh ves falhaa aruvaalaanan! ވަގުތު ޖެހުމުން ހުރިހާ ކަމެއް ފަޅާއަރުވާލާނަން: އީޝާ
Fuluhunge thahugeegahfahu Easha ge maanafun message eh; "Hageegai varah avaha haamavaane" ފުލުހުންގެ ތަހުގީގަށްފަހު އީޝާގެ މާނަފުން މެސެޖެއް
Dhifaau gai evves vaahaka eh dhakkan Easha ah furusatheh nudhin: Vakeel ދިފާއުގައި ވާހަކަ ދައްކަން އީޝާއަކަށް ފުރުސަތެއް ނުދިން: ވަކީލު
Higher education ge SPD kamun Esha vakoffi ހަޔާ އެޑިޔުކޭޝަންގެ އެސްޕީޑީ ކަމުން އީޝާ ވަކިކޮށްފި